Búgin memleket basshysy jumys saparymen barǵan Pavlodarda «Romat» farmasevtıkalyq kásipornynyń 35 jumyskeri merzimsiz ashtyq jarıalady, - dep habarlaıdy Qamshy.kz exclusive.kz – ke silteme jasap. 

Osy kúnge deıin oblystyń maqtanyshy bolyp kelgen kompanıa biraz ýaqyttan beri qarjylyq qıyndyqqa urynǵan kórinedi. Qazir kásiporynnyń esep shottary toqtatylyp, qyzmetkerler sany eki esege qysqartylǵan, salyq organdary túrli sanksıalar qoldanýda.

Kásiporyn menedjerleri bolsa kredıtor Sentrkredıt bankimen aradaǵy túsinbeýshilikti belgili-bir toptar paıdalanyp otyrǵanyn aıtqan. Muny atalǵan daýly jaǵdaıǵa basynda jergilikti bılik organdarynyń aralasyp, keıin syrttap ketýi de rastaı túskendeı.

Jaqynda eldiń ınvestısıadar jáne damý jónindegi vıse-mınıstri Albert Raý, Joǵarǵy sot, Bas prokýratýra, Densaýlyq saqtaý jáne áleýmettik damý, qardy mınıstrlikteri men ózge de memlekettik organdar ókilderi de kompanıanyń máselesine aralasyp, daýlasýshy taraptardy tatýlastyrýǵa tyrysqan. Alaıda, kompanıanyń qaryzdaryn jabýǵa daıyn jańa ınvestor tabylǵanymen máseleniń oń sheshiletin túri baıqalmaǵan.