Reseılik tanymal ánshi Valerıı Meladze Astanada ótkizgen konsertinde jubaıynyń qazaq ekenin aıtyp, jankúıerlerine ersi qylyqtar jasamaýdy, ánshiniń betinen súıip turǵan sýretterdi jelide jarıalamaýdy ótindi.

Astana turǵyndary Meladzeni qushaq jaıa qarsy aldy. Ásirese, názik jandylardyń ánshige degen yqylasy erekshe baıqaldy, dep habarlaıdy  Qamshy.kz  Stan.kz -ke silteme jasap.

Dese de, Meladze ózimen sýretke túskisi kelip, betinen súıýge nıet bildirgenderdiń betin qaıtarǵan joq. Tek: «Áıelim – qazaq. Súıip turǵan sýretterińizdi jelige jarıalamańyzdar», – dep eskertti.

Eki saǵat boıy reseılik ánshi talmaı, sharshamaı, tek jandy daýysta án aıtty. Aıta ketetin jaıt, Meladze 25 jyldan beri ózimen birge sahnaǵa shyǵatyn mýzykanttardy aýystyrǵan emes.

Konsert barysynda Valerıı Meladze grýzın tilinde án oryndady. Sóz arasynda ánshi qaı elge barsa da ózin sheteldik sezinetinin, alaıda Qazaqstan oǵan ekinshi otanyndaı bolyp ketkenin aıtty.

«Qazaqstanda ózimdi sheteldik sezinbeımin», – dedi ol.

«Trı rekı» ánin oryndaý úshin Meladze kórermender arasynan úsh arýdy sahnaǵa shyǵýǵa shaqyrdy. Alaıda nıet bildirgender sany 3 emes, 33-ten asty. Maestro tańdanysyn jasyrmady:

«Qyzdardyń kóptigi muhıttaı», – dep atap ótti ol.

Aıta keteıik, Valerıı Meladze alǵashqylardyń biri bolyp Batyrhan Shúkenovtiń ulyna kómek qolyn sozǵan. Ol kishi Shúkenovtiń oqý aqysyn tólep berdi. Al marqum bolǵan Batyrhanmen ol jaqyn dos bolǵan. Jýyrda ǵana Almatyǵa kelgen Meladze Shúkenovke arnalǵan fotokórmege atbasyn burdy.