Bir apta buryn Aqtóbe oblysyna Elbasy tapsyrmasymen baryp jumys istep jatqan arnaıy totyń osy kúnge deıingi atqarǵan jumysy týraly top jetekshisi, QR Bas prokýrory Jaqyp Asanov aıtyp berdi, - dep habarlaıdy Qamshy.kz.

200 shaqty maman 7 baǵytta jumys júrgizip jatqan top osy ýaqytqa deıin júzdegen adamǵa kómek berip úlgeripti.

 «Aqtóbege barǵan azamattardyń basym bóligi memlekettik qyzmetkerler emes. Olar – dárigerler, teologtar, psıxologtar, ımamdar, bankırler men taǵy basqa mamandar. Top jumysy bir aıǵa sozylady. Negizgi maqsat – jergilikti organdarmen birge sondaǵy túıtkildi máselelerge tereńirek úńilip, ony sheshý joldaryn izdeý. Árbir kún, árbir saǵatqa deıin egjeı-tegjeıli josparlandy», - deıdi Bas prokýror J. Asanov.

Onyń aıtýynsha, alǵashqy alty kúnniń ishinde mektepter men medreselerde 77 kezdesý ótti. Osy sharalarǵa 12 myń adam qatysqan. 820 adam medısınalyq tekseristen ótti. 50 múgedekke protez qoıyldy. 500 adamǵa áleýmettik kómek kórsetilip, 13 adam jumysqa turǵyzyldy.