Qaraǵandynyń Maıqudyq aýdanynda biraz ýaqyttan beri jumys istep turǵan «Optovka» qarjy kompanıasy jabylyp qaldy. Bul jaıynda Baq.kz redaksıasyna aldanyp qalǵanyndaryna shaǵymdanǵan qaraǵandylyq turǵyndar habarlasqan,- dep habarlaıdy Qamshy.kz.

Degenmen, bul qarjy pıramıdasynyń da ǵumyry uzaqqa barmady. «Optovka» qarjy kompanıasynyń jabylyp qalǵany jaıly osy júıege aqsha salyp, san soǵyp qalǵan qaraǵandylyq turǵyn aıtyp berdi.

«Optovkanyń» jabylǵandyǵy týraly habar halyq arasynda tańerteń tarady. Salǵan aqshamdy ýaıymdap, jumystan suranyp, osynda kelgen edim. Men sıaqty adamdar munda kóp eken. Tústen keıin quqyq qorǵaý organdarynyń qyzmetkerleri kelip, qarjy kompanıasynyń barlyq qujattaryn, kompúterlerin tárkilep, basshysyn ózderimen birge alyp ketti. Ári qaraı ne bolatynyn bilmeımiz», - dedi redaksıamyzǵa habarlasqan Jarqyn esimdi azamat.

«Optovkanyń» aldyndaǵy qara qurym halyq kesh batsa da tarqar emes. Olar sotqa júginip, qarjy pıramıdasyna salǵan aqshalaryn qaıtaryp berýdi suramaqshy.

Qaraǵandy oblysynyń quqyq qorǵaý organdary osy máselege qatysty áli resmı túsinikteme bergen joq.

Esterińizde bolsa, Mavrodıdiń «MMM» pıramıdasy qanshama adamdy zar qaqsatsa, Qazaqstanda 1994 jyly paıda bolǵan «Smaǵulov jáne K0» qarjylyq pıramıdasy da elde biraz shý týdyrǵan bolatyn.