Búgin 64 jasqa tolǵan Reseı basshysy Vladımır Pýtın týǵan kúnin dostary men jaqyndary arasynda ótkizbek, - dep habarlaıdy Qamshy.kz QazAqparatqa silteme jasap.
RF prezıdentiniń baspasóz-hatshysy Dmıtrıı Peskovtyń aıtýynsha, reseılik basshy tól merekesin atap ótýge qatysty kópshilikke arnalǵan is-sharalar ótkizýdi josparlap otyrǵan joq. Ol týǵan kúnin dostary men jaqyndary arasynda ótkizbek.
«Degenmen, halyqaralyq qońyraýlar, quttyqtaýlar túsedi. Sondyqtan qandaı da bir máseleler qozǵalatyn bolady. Memleket basshylar esh ýaqytta merekelik taqyryppen ǵana shektelip qalmaıdy», - deıdi Peskov.
Aıta keteıik, Vladımır Pýtın 2014 jyly kóp jyldan beri alǵash ret demalys alyp, týǵan kúnin sibir taıgasynda ótkizdi. 2015 jyly 63-inshi týǵan kúnin hokeı alańynda ótkizdi. Ol "UHL Juldyzdary" jáne "UHL Quramasy" Túngi hokeı lıgasy komandalarynyń machyna qatysyp, «UHL Quramasynyń» qaqpasyna jeti shaıba saldy.
Pýtınniń RF basshylyǵyndaǵy prezıdenttik merzimi 2018 jyly aıaqtalady.
