Nú-Iorkte oqyp júrgen almatylyq úsh stýdent AQSH-tyń Florıda shtatyndaǵy "Metú" daýylynyń epısentrinde bolǵan, - dep habarlaıdy  Qamshy.kz Tengrinews.kz-ke silteme jasap.

Stýdentterdiń biri Shyńǵystyń aıtýynsha, olar kesheden beri Maıamı áýejaıynda.

"Biz munda 3 qazanda dosymyzdyń týǵan kúnine kelgen edik. Osyǵan deıin biz daýyl jaıly bilgen de joqpyz. Barlyǵy oılamaǵan jerden bastalyp ketti. Biz Nú-Iorkke 6 qazanda Maıamı ýaqyty boıynsha qaıtý kerek bolatynbyz. Sodan Fort Lauderdale Florida áýejaıyna bardyq. Áýejaıdyń qyzmetkerleri bizdi sonda ornalastaryp, tamaqtandyrdy. Osynda bolǵanymyzǵa 15 saǵattan asty", - deıdi Shyńǵys.

Al QR SİM daýyl astynda qalǵan qazaqstandyqtarǵa Vashıgtondaǵy QR elshiliginen kómek suraýǵa keńes berdi. Biraq bizdiń otandyq mámilegerlerge osy ýaqytqa deıin daýyldan zardap shekken QR azamattary jaıly habarlama kelmegen eken.

"Osy ýaqytqa deıin bizge QR azamattary zardap shekti degen aqparat kelgen joq. Osyndaı habar kelgen jaǵdaıda biz olarǵa jedel túrde Vashıngtondaǵy QR elshiligimen baılanysyp, Qazaqstandaǵy konsýl bólimderine habar berýge keńes beretin edik", - dedi QR SİM baspasóz qyzmetiniń basshysy Ánýar Jaınaqov.

Vashıngtondaǵy Qazaqstan elshiligimen +1 202-232-5488 nómirine habarlasyp nemese washington@mfa.kz/ kzconsuldc@gmail.com poshtalaryna hat jiberýge bolady.

Qazirgi ýaqytta "Metú" daýyly Karıb aralyǵyndaǵy baseınde qatty soǵyp jatyr. RIA novostı basylymynyń málimetinshe, AQSH prezıdenti Barak Obama beısenbide keshki ýaqytta Djordjıa shtatyndaǵy "Metú" daýylyna baılanysty tótenshe jaǵdaı rejımin jarıalaǵan. Osyǵan deıin Gaıtıde "Metú" daýylynan 280 adamnyń qaza tapqany habarlanǵan bolatyn.

Aıta keteıik, "Metú" daýyly Atlantıkada 2007 jyldan bergi eń qaýipti daýyl boldy. Jergilikti ýaqyt boıynsha 6 qazanda daýyl Florıdaǵa, keıin Djordjıaǵa, Soltústik jáne Ońtústik Karolınaǵa jetetini aıtylady.