Elbasymyzdyń kásipkerlikti qoldaý jáne damytýǵa baılanysty saıasatyn iske asyrý maqsatynda oblysymyzdyń basshylary jergilikti búdjet esebinen qarjy bóldirip, búginde «Yrys» mekemesi arqyly zańdy tulǵalarǵa, jeke kásipkerlerge, sharýa qojalyqtaryna óz kásipterin bastaýǵa jáne ári qaraı damytýǵa arzandatylǵan, qoljetimdi nesıe berýde. 
«Yrys» mıkro qarjy uıymy 2009 jyly «Maksımým» aımaqtyq ınvestısıalyq ortalyǵynyń enshiles mekemesi bolyp qurylǵan. Uıymynyń negizgi maqsaty – Ońtústik Qazaqstan oblysynyń áleýmettik baǵyttaǵy salalaryn nesıelendirý arqyly óńirimizdegi kásipkerlikti damytý.
Mekemeniń qarjylandyrýdaǵy basym baǵyttary: Mal bordaqylaý alańdaryn qurý; Januıalyq taýarly-sút fermalaryn qurý; Jylyjaı sharýashylyǵyn damytý; Aýylsharýashylyq ónimderin qaıta óńdeý; Áleýmettik mańyzy joǵary jobalardy qoldaý (bala-baqsha, sport keshenderi, asqana t.b.); Kóktemgi egin egý jáne jınaý jumystaryn uıymdastyrý.
Jalpy 2009-2016 jj aralyǵynda jalpy somasy 20,7 mlrd teńgeni quraıtyn 13085 jobany qarjylandyrdy. Sonyń nátıjesinde oblys boıynsha 11 586 adam jumyspen qamtylǵan. 
Onyń ishinde mal sharýashylyǵyn damytý baǵytynda 2009-2016 jyldar aralyǵynda jalpy somasy 14,4 mlrd teńgeni quraıtyn 8 211 joba qarjylandyryldy. Atqarylǵan jumystyń nátıjesinde 75 myńǵa jýyq bas mal bordaqylaý arqyly 63 myń tonnaǵa jýyq et ónimi shyǵaryldy.
2016 jyldyń 6 aıyndaǵy atqarylǵan jumystardyń nátıjesinde mal bordaqylaý alańdaryn salý úshin 867,65 mln teńgege 331 jobaǵa qarjy bólindi. Sondaı-aq, shaǵyn taýarly sút fermalaryn ashý maqsatynda quny 55,3 mln teńgege 23 joba iske asty.

Taǵabaı QASYM

http://shymkala.kz/