Qazaqstan musylmandary dinı basqarmasynyń Qaraǵandy oblysy boıynsha ókil ımamy Ómirzaq qajy Bekqojanyń uıytqy bolýymen óńirdegi ımam-moldalar úshin «Sheshendik óner jáne kórkem nasıhat» atty taqyrypta arnaıy trenıń uıymdastyryldy, - dep habarlaıdy Qamshy.kz QMDB baspasóz qyzmetine silteme jasap.

Trenıńti QMDB Baspasóz bóliminiń basshysy, jýrnalıs Aǵabek Qonarbaıuly júrgizdi.

Slaıd jáne beınerolıkterdiń kómegimen ótken trenıńte sheber sóıleýdiń ádisteri, sheshenge qajetti quraldar men qabiletter, danalyqpen nasıhat júrgizý, ýaǵyzshyǵa qoıylatyn talap-mindetter, jıi qoldanylatyn sózderden arylý, oıdy aıqyn jetkizý, tyǵyryqtan shyǵý tetikteri, t.b. kerek keńester aıtyldy.

A.Qonarbaıulynyń dindarlarǵa arnalǵan dárisi teorıalyq ári tájirıbelik turǵyda ótkizildi. Trenıń sońynda ımamdar sol mezette tańdalǵan belgili bir taqyryp tóńireginde 3 mınýttyq ýaǵyz aıtyp, sóz sońynda jiberilgen qatelikter tóńireginde ortaq talqylaýlar boldy.

Sonymen qatar, sheshendik óner salasynda jetistikke jetken álemdik tulǵalardyń halyq aldynda sheber sóılegen sátteri baıandalǵan beıne rolıkter kórsetilip, ımamdar beınebaıanda baıqaǵan jaǵdaılar týraly talqylady.

«Imamdarymyz halyq aldynda shyqqanda baısaldy, sheshen sóıleýi tıis. Bul – zaman talaby. Óıtkeni, din qyzmetkeri – halyqty ıgilikke, ımandylyqqa bastaıtytyn tulǵa. Onyń árbir sózi jamaǵattyń júreginen oryn alýy kerek. Qazir sheshendik óner páni medreselerimizde de arnaıy oqytylyp jatyr», – dep málimdedi Aǵabek Qonarbaıuly jergilikti buqaralyq aqparat quraldary ókilderine.