«Bereke» baǵdarlamasy aıasynda bıyl Ońtústik Qazaqstan oblysynda myńnan asa shaǵyn mal bordaqylaıtyn alań qarjylandyryldy. Elbasynyń halyqty laıyqty deńgeıdegi kirispen jáne ónimdi jumyspen qamtamasyz etý úshin jónindegi tapsyrmasyn júzege asyrý aıasynda aýyl sharýashylyǵy mınıstrligi halyqty jumyspen qamtý men aýylsharýashylyq ónimderin óndirý kólemin kóterý boıynsha birqatar sharalar qarastyrdy.
Aýyl sharýshalyǵy mınıstrliginiń sıyr etin óndirý baǵytyndaǵy jospary aıasynda 5-20 bas mal bordaqylaý alańy qarjylandyrylady. Osylaısha jeke sharýa qojalyqtary kásipker retinde tirkelip, aı saıyn belgili bir deńgeıde tabys tabady. Sondaı-aq, qosymsha jumys oryndary ashylyp, jerg,likti búdjetke túsim túsip otyrady.
Bıyl bul tapsyrma «Jumyspen qamtý jol kartasy-2020 » baǵdarlamasynyń qarajatynan iske asyrylýda. Aýyl sharýalyǵyn damytý qory jyl basynan beri osy baǵdarlama boıynsha 3 myńnan astam qatysýshyny qamtyp, 9,2 mlrd teńgeniń qarajatyn úlestirgen. Onyń 900-den astamy — bizdiń oblysta. Nesege berilgen qarjynyń jalpy somasy 2,4 mlrd teńgeni quraıdy. Qarjynyń 70 paıyzy mal sharýashylyǵyna baǵyttalyp otyr.
Maqsat — múıizdi iri jáne usaq qara mal basyn kóbeıtý. Osylaısha et óndirý jumysynyń ónimdigin arttyrý. Baǵdarlama aıasynda qatysýshy 3 mln teńgege deıin nesıe ala alady. Qaryzynan ýaqtysynan buryn qutylǵan jaǵdaıda sharýaǵa 4 jylǵa 5 mln teńgege deıin qarajatty nesege alýyna múmkindik bar. Baǵdarlama qatysýshysyna nesıe jylyna 4,8 paıyzdyq mólsherlememen bastap beriledi.
Maqpal Rysbaeva http://kz.otyrar.kz/
