Kóktemgi nóser jaýyn-shashyn men shildeniń aptap ystyǵy bıylǵy eginge ártúrli áser etti deıdi sharýalar. Qazir aýyl sharýashylyǵy ónimderin jınaý naýqany aýylda da qalada da qyz-qyz qaınap jatyr.
Qomaqty ónim alǵan dıhandar paıdaǵa kenelse, endibiri shyǵyndaryn eseptep jatyr. Bıylǵy maýsymda saýda qatarlarynda jemis-jıdek pen kókónis te samsap tur. Tańqýraı, qulpynaı, qaraqat júzim almanyń túr-túri saýdaǵa shyǵarylǵan.
Degenmen, satýshylar jergilikti ónimderinen kóri Ózbekstannan tasymaldanǵan taýarlardyń kóp ekenin aıtady. Saýda oryndarynda jergilikti jemis-jıdekter men kókónisterdiń azdyǵy baǵaǵa da áser etip jatyr.
Júzimniń kelisi 350 teńgeden-700 teńgege deıin satylýda. Qaraqattyń kelisin 650 teńgeden 800 teńgege deıin satyp alýǵa bolady. Tańqýaraı túrine qaraı 750 teńgeden 900 teńgege deıin saýdalanýda.Degenmen, óńirdegi baý-baqshalarda pisken ónimder kóbirek bolsa, baǵasynyń da arzan bolatynyn satýshalyr da jasyrmaıdy.
Al dıhan qaýym kóktemgi nóser jaýynnyń áserinen ónimniń byltyrǵydan eseleı túskenin aıtady. Bıyl sharýalar astyqty jyldaǵydan da kóp jınaýda. Bir gektardan ortasha eseptten 22 sentner ónim alynyp otyr. Qazirdiń ózinde qambaǵa 416 tonna arpa astyq jınalǵan.
Aıta keteıik, oblysta bıyl 195 myń gektar jerge astyq egilgen. Al ónimderdi jınap terý jumystaryna 39 myń tonna arzandatylǵan janar-jaǵarmaı bólinip otyr.
