Túlkibas aýdany ejelden egin sharýashylyǵymen qarqyndy aınalysyp keledi. Túlkibas aýdanymyzda egilgen 11400 gektar maqsary daqyly bar, onyń búginge deıin 5600 gektary oryldy. Maqsary daqylynyń oryndalýy 48 paıyzdy qurap otyr. Bıylǵy aýa raıynyń birshama jaýyn-shashyndy bolýyna baılanysty daqyldar bitik shyǵyp, ár gektarǵa shaqqanda túsim 9,2 sentnerge aınaldy. Eginnen qambaǵa 5160 tonna ónim alyndy,-dep  habarlaıdy  Túlkibas aýdany ákiminiń baspasóz qyzmeti.

Bul árıne, jaqsy kórsetkish desek qatelespeımiz. Egindi oryp alysymen jer jyrtý jumystary jalǵasyp jatyr.  Qazir aıtar bolsaq, aýdan boıynsha 3 500 gektar jer jyrtyldy.  Bul az emes.  Maqsary jınaý, jer jyrtý jumystaryn “Qyzyl Jar” JSHS-i, Balyqshy aýyl okrýgindegi “Nurtaı Ata” sharýa qojalyǵy, Azattyq aýylyndaǵy “Maqulbek” JSHS-i osy salalarda nátıjeli eńbek etip, joǵary ónimge qol jetkizgenin aıta ketý kerek. Agrotehnıkalyq talaptardyń saqtalýy, jańa tehnologıalardyń qoldanýy men memleket tarapynan der kezinde berilgen qoldaýlardyń arqasynda  bıylǵy jyly  astyqtyń  mol ónimin  ósirýge qol jetkizip otyrmyz deıdi dıqandar.

  Osy irilengen sharýashylyqtar basqa sharýa qojalyqtarǵa úlgi bolyp, sharýa jumysynyń tıimdi tustaryn kórsetip keledi. “Uıymdasqan utady” degen qaǵıdany ustanǵan osy sharýashylyqtardyń utymdy isterine súısinesiń.