Búgin teriskeılikter  «Eńbek kúni» merekesin atap ótti. Shara aıasynda aýdan ortalyǵynda aýylsharýashylyq ónimderiniń jármeńkesi uıymdastyryldy. On eki aýyl okrýginiń sharýalary ózderi shyǵarǵan ónimderdi aýdan halqyna tıimdi baǵada usyndy,- dep habarlaıdy Sozaq aýdany ákiminiń baspasóz qyzmeti.

        Qazaqstanda 2013 jyldan beri  qyrkúıek aıynyń eń sońǵy jeksenbisinde «Eńbek kúni» merekesi atalyp  ótip júrgeni barshaǵa belgili. Aıta ketý kerek, Elbasy N.Nazarbaevtyń jarlyǵy boıynsha elimizde qyrkúıek aıynyń sońǵy jeksenbisi – «Eńbek kúni» merekesi bolyp belgilengen. Atalǵan merekeniń basty maqsaty jalpyǵa ortaq eńbek qoǵamyn qurý sheńberindegi óndirýshi eńbekti yntalandyrý, jastar arasynda jumysshy kásibin nasıhattaý jáne jumysshy áýletindegi kópjyldyq dástúrdi nyǵaıtý, dáripteý bolyp tabylady. Atalmysh meıram dástúrli túrde jalǵasyp, búgingi kúnderi jastar arasynda eńbekti dáriptep keledi.

Sozaq Aýdan ákimi M.Isaev barsha eńbek adamdaryn ataýly kúnmen quttyqtap, birqattar ozat jandarǵa alǵys hat tapsyrdy. Qyzylkól eldi mekenindegi «Qaırat» balabaqshasynyń basshysy, eńbek ozaty N. Tóleýova barsha aýdan halqyn quttyqtap, talmaı eńbek etýge shaqyrdy. Merekege oraı bezendirilgen ortalyq alańda aýdandyq mádenıet úıi qyzmetkerleri qoıǵan konserttik baǵdarlamaǵa ulasty.  

.