Túrkistanda 600-ge taıaý mal bordaqyldaý alańy bar
«Agrobıznes – 2020» memlekettik baǵdarlamasy aıasynda Ońtústik Qazaqstan oblysynyń mal sharýashylyǵyn damytý is-sharalarynyń 2014-2016 jyldarǵa arnalǵan josparyna sáıkes Túrkistan qalasy boıynsha birqatar ıgilikti ister atqaryldy.
Sońǵy eki jylda Túrkistanda 343 azamat 920 mıllıon 400 myń teńge nesıe alyp, shaǵyn mal bordaqylaý alańdary men januıalyq sút fermalaryn, sút óńdeý sehyn ashqan. Sonymen qatar, 335 azamat óz qarjylary esebinen osy baǵytta jumystar atqarǵan.
Byltyr Túrkistan aýmaǵynda 384 birlik shaǵyn mal bordaqylaý alańy ashylsa, sonyń ishinde qarjy ınstıtýttarynyń qarjylandyrýmen iske qosylǵandary da bar. Oǵan 751 mıllıon júz myń jumsalyp, úsh júzge tartashaǵyn mal bordaqylaý alańy iske qosylǵan.
Bıyl jyl basynan bergi jeti aıda 184 shaǵyn mal bordaqylaý alańy ashylyp, onyń ishinde 161-i jeke kásipkerlerdiń qarjysymen iske qosylǵan. Al, qarjy ınstıtýttary arqyly 58,5 mln.teńgege 23 shaǵyn mal bordaqylaý alańy uıymdastyryldy. Sóıtip Túrkistandaǵy mal bordaqylaý alańdarynyń jalpy sany 568-ge jetti.
Túrkistanda sońǵy eki jylda mal bordaqylaý alańdarynda on tórt jarym myńǵa taıaý iri qara mal bordaqylanyp, úsh myńǵa tarta et óndirilip, qala halqynyń qajetine jaratyldy. Óndirilgen ónim kólemi 2592,9 mıllıon teńgeni qurady. Atqarylǵan jumystardyń nátıjesinde qalada et óndirý kólemi 104 paıyzǵa artty.
