Údemeli ındýstrıaldy-ınnovasıalyq damý baǵdarlamasy el ekonomıkasynyń órkendeýine oń yqpal etip keledi. Birneshe baǵdarlamalardyń jıyntyǵynan turatyn jobanyń ishinde belsendileriniń biri retinde "Jumyspen qamtý 2020 Jol kartasy" baǵdarlamasyn ataýǵa bolady. Mamandar «Jumyspen qamtý-2020 Jol kartasy» baǵdarlamasy aıasynda nesıe alǵysy kelgenderdiń basym bóligi mal sharýashylymen aınalysýdy qalaıtyndar deıdi. Kelesi keıipkerimiz zatynyń áıel ekenine qaramastan ata kásipti jalǵastyryp otyr. Sozaq aýdany Qaraǵur aýylynyń turǵyny Shynar Altynbekova naryq zamanyna ilesý úshin, kásipker bolýdy qalady. Qazirgi tańda saýda oryndaryndaǵy suranysqa qaraı, kásipkerlikpen aınalysýdyń eń tıimdi joly – mal asyrap, et pen sút óndirý kerek ekendigin túsindi. Al bul úshin qarjy kerek boldy. Osyǵan baılanysty «Jumyspen qamtý 2020 jol kartasy» baǵdarlamasynyń 2-baǵytynyń múmkindikteri óz maqsatyna jetýge úlken nátıje týǵyzatynyna sendi. Mamandardyń keńesinen keıin óz isin ashý úshin shaǵyn nesıe 1 mıllıon teńge alýdy uıǵardy. Jınalǵan tolyq qujattar paketimen, úmitker Shymkent qalasyndaǵy Aýyl sharýashylyǵyn qarjylaı qoldaý qoryna baǵyttaldy. Maquldaýdy alǵannan keıin Shynar Sultanqyzy nesıe alyp, óz aýylynda mal sharýashylyǵyn damytý maqsatynda qara mal alyp kóbeıtýde. Búgingi kúnge 1 jańa jumys ornyn ashyp, aýyl turǵyndaryn turaqty jumyspen qamtýda.
Aıta keteıik, «Jumyspen qamtý 2020 jol kartasy» baǵdarlamasynyń basty maqsaty turaqty, nátıjeli jumyspen qamtý, halyqtyń ál-aýqatyn kóterý jáne kedeıshilikpen kúresý, memlekettik qoldaý sharalaryn kórsetý bolyp tabylady. Al baǵdarlamanyń ekinshi baǵytynyń sıpaty : aýyldaǵy kásipkerliktiń damýyna kómek kórsetý. Kásipkerlikti yntalandyrý azamattardyń jeke isin uıymdastyrý nemese keńeıtý arqyly olardyń ekonomıkalyq belsendigin arttyrýǵa baǵyttalǵan.
