Ońtústik Qazaqstan oblysynyń aýyl sharýashylyǵyna bıyl 29 mıllıard teńge baǵyttalyp otyr. Ońtústik Qazaqstan oblystyq máslıhatynyń kezekten tys tórtinshi sesıasynda baıandama jasaǵan óńir basshysy Beıbit Atamqulov osyndaı qoldaýlardyń arqasynda egis kólemin ulǵaıtý, ıesiz jerlerdi ıgerý, zamanaýı tehnologıamen tamshylatyp sýǵar ýádisin keńinen engizý, jylyjaı jáne qarqyndy baý qurylystary, mal basyn asyldandyrý boıynsha jumystardyń júrgizilip jatqanyn tilge tıek etti..
Birinshi jartyjyldyqtyń qorytyndysymen aýyl sharýashylyǵy jalpy ónim kólemi 123 mlrd. teńgeni qurap, 2 paıyzǵa artty. Egis kólemi ótken jyldan 13 myń gektarǵa artyp, 788 myń gektardy qurady. Sýarmaly 466 myń gektar jerdiń 93% ıgerilýde (434 myń gektar). Aǵymdaǵy jyly dándik júgeriden 108,4myń tonna, kókónisten 811myń tonna, baqshadan 1 252myń tonna, kartoptan 195myń tonna, masaqty daqyldardan 470 myń tonna ónim jınaldy.
-Oblysta alǵash ret bıdaıdyń ortasha ónimdiligi 22 sentnerdi qurap rekordtyq ónim alyndy. Byltyr bul kórsetkish gektaryna 17,8 sentnerden aspaǵan bolatyn,-dedi
Tamshylatyp sýǵarý ádisi qosymsha 6000 jýyq gektarǵa endirilip, jalpy kólemi 49,7 myń gektarǵa jetti. Bul respýblıkadaǵy tamshylatyp sýarý egistiginiń 73 paıyzyn quraıdy. Jylyjaılar qosymsha 72 gektarǵa salynyp, jalpy 1 098 gektarǵa jetti. Respýblıkadaǵy jylyjaılardyń 87 paıyzy Ońtústikte. Osy jylyjaılardan 80 myń tonna kókónis ónimderi jınaldy. Al tereń qopsytý tehnologıasy 89 myń gektarǵa engizildi.
Jyl basynan fermerlerge «Yrys» qarjylandyrý uıymy arqyly tómengi paıyzben 486 jobany qarjylandyrylýǵa 1,2mlrd. teńge kóleminde nesıe berilgen. «Sybaǵa», «Altyn asyq», «Qulan» baǵdarlamalarymen 35 myńnan asa mal basy satyp alyndy.
4000 astam usaq sharýashylyqtardy biriktiretin 47 kooperatıvter qurylyp, 9 MTS ashyldy.
