Prezıdent N.Nazarbaev «Bir maqsat, bir múdde, bir bolashaq» atty joldaýynda: «Ekonomıkanyń joǵary tehnologıalyq jańa salalaryn qurý ǵylymdy qarjylandyrýdy ishki jalpy ónimniń 3 paıyzynan kem emes deńgeıge deıin arttyrýdy talap etedi. İshki jalpy ónimniń energıa tutyný aýqymyn 2 ese azaıtý mańyzdy. Shaǵyn jáne orta bıznes 2050 jylǵa qaraı Qazaqstannyń ishki jalpy óniminiń qazirgi 20 paıyzy ornyna keminde 50 paıyzyn óndiretin bolady. Eńbek ónimdiligin 5 esege – qazirgi 24,5 myńnan 126 myń dollarǵa deıin arttyrý kerek. Áleýmettik salany damytýdyń 2050 jylǵa deıin basty baǵdarlary naqty ındıkatıvti sıfrlarda kórsetilgen. Biz ishki jalpy ónim kólemin jan basyna shaqqanda 4,5 ese – 13 myń dollardan 60 myń dollarǵa deıin arttyrýymyz kerek. Qazaqstan halyq qurylymynda orta tap úlesi basym elge aınalady. Ýrbanızasıanyń jahandyq úrdisine oraı qalalyq turǵyndar úlesi barlyq halyqtyń qazirgi 55 paıyzynan 70 paıyzdaı deńgeıge deıin ósedi. Qazaqstannyń qalalary men eldi mekenderin sapaly joldar men kóliktiń barlyq túriniń júrdek baǵyttary baılanystyrady» – dep atap ótken bolatyn. Osy oraıda Otyrar aýdanynda Údemeli ındýstrıaldy-ınnovasıalyq damý baǵdarlamasyn júzege asyrýshy «Bıznestiń jol kartasy-2020» baǵdarlamasynyń bank kredıtterin sýbsıdıalaý jáne bank nesıesin kepildendirý baǵyty boıynsha jeke kásipker Úrkimbaev júk tasymaldaý qyzmetin kórsetýge 12,0 mıllıon teńge nesıe qarjy aldy. Budan bólek granttyq qarjylandyrý boıynsha jeke kásipker Erdenqulov Nurqul sanyraýqulaq ósirý jobasyna 1,2 mıllın teńge grantqa ıe boldy. 2015 jyly aýdan turǵyndaryna mal bordaqylaý, mal basyn kóbeıtýge, kishi sehtar ashýǵa, ár túrli daqyldar ósirýge jáne t.b. baǵyttar boıynsha jobalarǵa ár túrli qarjy ınstıtýttary arqyly qysqa jáne uzaq merzimge 3153 jobaǵa 1 mlrd 967 mln 700 myń teńge nesıe qarjy alyndy. Ótken jyly baǵdarlama aıasynda eki joba iske qosylǵan bolatyn. Olar: Temir aýyl okrýginen «Otyrar Dán» JSHS-niń júgerini keptirý jáne saqtaý zaýyty jáne Shilik aýyl okrýginen jeke kásipker Qudiretulla Baqytjannyń 5000 bas qus fabrıkasy.
