Jalǵyz baspanasynyń ıpotekasyn tóleı almaı júrgen azamattarǵa memleket tarapynan kómek kórsetiledi. Bul týraly búgin Parlament Májilisinde «Salyq salý jáne kedendik ákimshilendirý máseleleri boıynsha QR keıbir zańnamalyq aktilerine ózgerister men tolyqtyrýlar engizý týraly» zań jobasyn tanystyrǵan QR Ulttyq ekonomıka mınıstri Qýandyq Bıshimbaev aıtty, dep habarlaıdy Qamshy.kz Baq.kz saıtyny silteme jasap.

«Qaıta qarjylandyrý baǵdarlamasy» sheńberinde ıpotekasyn tóleı almaı, bankterge qaryz bolyp qalǵan azamattarǵa kómek kórsetiledi. Bul baǵdarlama problemany sheshýge jáne xalyqtyń áleýmettik osal toptarynyń jalǵyz baspanasyn saqtap qalýǵa múmkindik beredi», - deıdi Q.Bıshimbaev.

Aıta keteıik, 2015 jylǵy 11 aqpanda Úkimettiń keńeıtilgen otyrysynda Elbasy Ulttyq bankke Úkimetpen birlesip, ıpotekalyq qaryz alýshylardyń problemasyn sheshý jóninde sharalar keshenin ázirleýdi tapsyrǵan bolatyn. Osyǵan oraı Ulttyq bank ekinshi deńgeıli bankterdiń ıpotekalyq turǵyn úı qaryzdaryn/ıpotekalyq qaryzdardy qaıta qarjylandyrýǵa 130,0 mlrd teńge bóldi.