Lýına óziniń prodúseri Jomart Súleımenovpen azamattyq nekede bes jyl boıy turyp jatqanyn málimdedi dep habarlaıdy Qamshy.kz Nur.kz-ke silteme jasap.

Bul týraly Lýına "Habar" arnasynyń "Kompromat" baǵdarlamasynda aıtyp berdi. Jýrnalıserdiń suraǵyna esh qymsynbastan jaýap berýge tyrysqan Lýına óziniń jeke ómirine qatysty da ashyq aıtty.

Ánshige: "El arasynda siz súıiktińizben bes jyl boıy azamattyq nekede turady, tipti kishkentaılary da bar eken syndy sybystar tarap ketken jáne prodúserińiz Jomartpen arada qandaı baılanysyńyz bar?", - degen suraq qoıyldy.

Bul suraqty estigen Lýına jeke ómiriniń qupıaly tustaryn jasyrmady. "Men sizderge jasyrmaı aıtaıyn. Iá, Jomart maǵan prodúserlik etkenine bes jyl boldy. Iá, bizdiń azamattyq nekede turyp jatqanymyzǵa da bes jyl boldy", - dedi ol.

Sonymen birge, ánshiniń aıtýynsha, olar kelesi jyly azamattyq nekeni zańdastyrmaqshy. Bala týraly olar sol kezde oılana bastaıtyndaryn da jetkizdi.

Lýınanyń sózine sensek, olar jalǵyz emes, Jomarttyń anasymen birge turady eken. "Sondyqtan, men qazir kelinmin", - dedi ol.