Qyrǵyzstannyń Osh oblysynda turmysqa shyǵý týraly oıynan aınyp qalǵan qyz 70 myń som kólemindegi qalyń maldy alyp qashyp ketken. Bul týraly Qamshy.kz  Stan.kz-ke silteme jasap habarlaıdy.

“Jigit qyzǵa qalyń mal aqshasyn bergen. Al qyz bolsa aqsha qolyna tıgennen keıin kúıeýge shyǵý týraly oıynan aınyp qalypty. Endi mine bir jyl boıy aqshany qaıtarmaı júr. Jigit oǵan 70 myń som tólegen. Munyń barlyǵyn ata-analary kezdesip kelisken eken. Jastar jarty jyl boıy kóńil jarastyryp júrgen. Qyzdyń jasy – 22-de, al jigit 26-da”, – deıdi “Impera grýppý” zańgerlik kompanıasynyń basshysy Emıl Djapaqbaev.

Jigit oǵan ne bolǵanyn suramaqshy bolyp birneshe ret tyrysqanymen, esh nátıje shyqpaǵan.

“Bastapqyda qyz aýyryp, aýrýhanaǵa jatqan. Biraq onyń ata-anasy jigitke qyzdyń qaı aýrýhanada ekenin aıtpaǵan. Sodan úsh boıy múlde habar ala almapty. Qyzdyń ata-anasy da jigitten boılaryn ala qashqanymen, keıin ózderi de qyzyn tappaı otyrǵandyqtaryn moıyndapty”, – dep atap ótti zańger.

Onyń sózinshe, zardap shegýshi zańgerden keńes almaqshy bolǵan. Alaıda uıalamyn dep Osh prokýratýrasyna shaǵym bildirýden bas tartypty. “Jigitke obal, onyń otbasy da asa baqýatty emes. Qalyńmaldyń aqshasyn ózi eńbektenip jınaǵan eken”, – deıdi Djapaqbaev.

Zańgerdiń aıtýynsha Qyrǵyzstanda qalyń mal zańmen bekitilmegen. Biraq, mundaı jaǵdaıǵa ushyraǵandar kóp rette Qylmystyq kodekstiń 166 “Alaıaqtyq” baby boıynsha aryzdanyp jatady.