24 qazannan bastap, dúısenbi- juma kúnderi 19.00-de 31 arna toı maýsymynyń shymyldyǵyn túrip, kópten kútken «Kelinder báıgesi» shoýynyń jalǵasyn efırge shyǵarmaqshy,- dep habarlaıdy Qamshy.kz.

Búgin « Mý Cafe» kafesinde  31 arnadaǵy «Kelinder báıgesi»  realıtı- shoýynyń ekinshi maýsymynyń jýrnalıserge arnalǵan tanystyrylymy boldy.  Alǵashqy bolyp sóz kezegin arna basshysy Baǵdat Qojahmetov myrza aldy. «Kelinder báıgesi» jobasy – shyn máninde búkilhalyqtyq ónim, ony otbasymen birge kórýge bolady jáne kórý kerek. Toı – árbir otbasynyń eń basty merekesi.  Qazaqstandyqtardyń toıǵa qalaı naza aýdaratynyn eskersek, bizdiń keıipkerlerdiń de saltanatty merekelerine kýá bolý kórermender úshin de qyzyqty dep esepteımin»- deıdi 31 arnanyń Bas dırektory Baǵdat Qojahmetov.

Esterińizge salaıyq, «Kelinder báıgesi» shoýynyń alǵashqy kórsetilimi bıylǵy naýryz aıynda efırge shyqqan. Oǵan qazaqstandyqtar erekshe qyzyǵýshylyq tanytyp, bul joba telenaryqtaǵy bizdiń mentalıtetke saı teleshoýǵa, qazaq tildi kórermender úshin biregeı usynysqa aınalǵan.

Realıtı- shoýdyń ekinshi maýsymynda baǵdarlamaǵa respýblıkamyzdyń ártúrli qalalarynan qalyńdyqtar qatysady. Eger birinshi maýsym Shymkent, Taraz jáne Almaty qalalarynda uıymdastyrylǵan bolsa, ekinshi kezeńde jobanyń aýqymy keńip, Batys, Shyǵys jáne Soltústik Qazaqstan, sonyń ishinde Pavlodar, Aqtóbe qalalarynyń ókilderi joba qatysýshysy atandy.  Kastıng áli de jalǵasyp jatyr, báıgege qatysqysy keletin qalyńdyqtar sany da az emes.

«Kelinder báıgesin» kórip otyrǵan kórermen  shynaıy ómirdegi qazaq toıynyń beınesin, óz ortasynda bolyp jatqan  toı talqysyna kýá bolady. Efırdi qarap otyrǵan kórermen úshin qalyńdyqtardyń birine-biri baǵa berip, jaıylǵan dastarhandy synǵa alýy ersi kórinýi múmkin, biraq  qazaqtyń ár toıynyń  sońy osyndaı týystar men tanystardyń synyna ushyrap, talqylaýǵa túsetini jasyryn emes. «Eti durys pispegen», « quıǵan sharaby arzan», « asabasy onsha emes», «qalyńdyqtyń kóılegi nashar», «maǵan sóz bermedi», «anaý bálenshe myń ákelipti»  degen syndy kúndelikti ózimiz aıtatyn pikirler.  Bolashaq nemese toıǵa daıyndalyp júrgen qalyńdyqtar ózderiniń toıyna kerek keńester ala alady. Eń ádemi toı kóılegin qalaı tańdaý kerek, qandaı qyzyqty oıyndar oılastyrý, birinshi jáne ekinshi dastarhanǵa ne qoıý kerek, qomaqty qarajat jumsap, nemese aqshany únemdep-aq toı ótkizýge bola ma? Osy suraqtardyń barlyǵyna jaýapty «Kelinder báıgesi» jobasynan kóresizder!

 Sońynda jalǵyz ǵana qalyńdyq óz básekelesterinen ozyp shyǵyp, Túrkıa elinde ótetin bal aıyna arnalǵan  joldamanyń ıesi atanady.

Arnanyń atqarýshy prodúseri Ásel Toıanova  shoýdy túsirý barysyndaǵy óziniń tańdanystarymen bólisip, bylaı deıdi: Ár aımaqta toı merekeleri ártúrli ótetinin baqylaý sondaı qyzyqty. Máselen, Shymkenttiń toılaryna 500-den asa adam qatyssa, toı kortedjderi, lımýzınder, jastardyń qydyrysyna erekshe kóńil bólinedi. Aqtóbede kelinniń qolynan sháı ishýge qatysty erekshe dástúr bar. Al Pavlodarlyq toılar kúndiz saǵat úshte bastalyp, keshke on birde aıaqtalady. Almaty men Tarazdyń qonaqtary, kerisinshe shaqyrylǵan ýaqytqa bir-eki saǵatqa keshigip júredi.

 Qazaq  toıynyń ózińiz baıqamaı júrgen qyrlaryn kórgińiz kelse,  dúısenbi jáne juma kúnderi 19.00-de 31 arna qosýly bolsyn!