Memleket basshysy Qorǵanys jáne aeroǵarysh ónerkásibi mınıstri Beıbit Atamqulovty qabyldady, - dep habarlaıdy Qamshy.kz Aqorda saıtyna silteme jasap. 

Kezdesý barysynda Elbasy jańa mınıstrliktiń aldyna qoıylǵan mindetterdiń mańyzdylyǵyna toqtalyp ótken.

Atap aıtqanda, Nursultan Nazarbaev jańa tehnologıany qoldaný arqyly óndiriletin qorǵanys jáne aeroǵarysh ónerkásibi ónimine degen suranysty qamtamasyz etý úshin otandyq kásiporyndar óz múmkindikterin barynsha paıdalaný qajettigine nazar aýdardy.

B.Atamqulov mınıstrlikte júrgizilip jatqan keshendi uıymdastyrýshylyq is-sharalardyń aıaqtalýǵa taıaǵany jóninde habardar etti.

Sondaı-aq, Qorǵanys jáne aeroǵarysh ónerkásibi mınıstri Memleket basshysyna azamattyq salada qoldanýǵa jaramdy ónim shyǵarýǵa mýltıplıkatıvtik áser beretin aeroǵarysh salasyn damytýdyń, qorǵanys kesheniniń óndiris qýatyn arttyrýdyń perspektıvasy týraly baıandady.

Nursultan Nazarbaev kezdesý qorytyndysy boıynsha birqatar naqty tapsyrma berdi.