Almaty oblysy Jambyl aýdanynda jappaı zorlaý oqıǵasy boldy, - dep habarlaıdy  Qamshy.kz Tengrinews.kz –ke  silteme jasap. 

Oqıǵa bıyl shilde aıynda Uzynaǵashta bolǵan. 16 shildede Qarǵaly aýylynyń turǵyny polısıaǵa habarlasyp, 16 shildege qaraǵan túni eki jigitten zorlanǵanyn aıtqan. Tergeý barysynda kúdiktiler anyqtalǵan, olar Uzynaǵashtyń eki turǵyny bolyp shyqqan. Alaıda kelesi kúni qyz óz aryzyn qaıtaryp alǵan, sebebi dep ol zorlaǵan jigitterdiń birine turmysqa shyqqanyn ataǵan. 31 tamyzda taraptardyń tatýlasýyna baılanysty qylmystyq is toqtatylypty. 

Al osydan keıin kúdiktilerdiń biri belgisiz sebeppen óz-ózine qol salǵan. 

Mınıstrliktegilerdiń aıtýynsha, 18 shildede kúdiktilerdiń biri Uzynaǵashtaǵy úıiniń aýlasynda asylyp qalǵan. Osy derek boıynsha 18 shildede "Ózin-ózi óltirýge deıin jetkizý" baby boıynsha sotaldy tergeý bastaldy. "Sot-medısınalyq saraptamanyń qorytyndysyna sáıkes, er adam mehanıkalyq asfıksıa saldarynan qaıtysbolǵan. Qazirgi ýaqytta tergeý jalǵasyp jatyr. Er adamnyń óliminiń sebebi anyqtalmady", - dep habarlady İİM ókilderi.

Sondaı-aq, qaza bolǵan jigittiń ákesi quqyq qorǵaý organdary qyzmetkerleriniń áreketiniń zańdylyǵyn tekserý boıynsha bergen aryzymen bıylǵy 8 qazannan bastap Almaty oblystyq İİD-de "Bılikti nemese laýazymdyq ókilettikterdi asyra paıdalaný" baby boıynsha sotaldy tergeý júrip jatyr.