32 jastaǵy jigit buǵan deıin qarý qoldanyp, buzaqylyq jasaǵany úshin isti bolǵan. Túrmede 4 jyl otyryp shyqqan ol bul joly adam óltirgeni úshin aıyptalýda. Bul týraly Qamshy.kz Kerek.Info-ǵa silteme jasap málimdeıdi.

Qylmys 11 tamyz kúni jasalǵan. Sol kúni sottalýshy tórt adam bolyp tań atqansha ishimdik ishedi. Olardyń arasynda sottalýshynyń azamattyq nekedegi jubaıy men taǵy bir áıel adam bolady. Alaıda sońǵysy úıden erterek ketip qalady. Al qalǵandary kóńildi otyrysty onan ári jalǵastyrady. İshimdikke sylqıa toıyp alǵan sottalýshy qalǵyp, uıyqtaı bastaıdy. Al onyń áıeli men tanysy ishimdik iship otyrady. Bir kezde tanysy uıyqtap jatqan er adamǵa qarap: “Áıelińdi meniń qasyma qaldyryp, nege uıyqtap jatyrsyń? Esim ketse, ony zorlap tastaýym múmkin” dep ázildeıdi. Tipti ol uıyqtap jatqanda áıelimen úsh ret jynystyq qatynas jasaǵanyn da aıtyp salady. Áıel odan bulaı ázildemeýin talap etedi. Tanysynyń sózin elemegen er adam ornynan turyp, taǵy da ishimdik ishedi. Er adam ázildeýin budan keıin de toqtatpaıdy. Sottalýshyǵa áıelin qaraýsyz qaldyrmaýyn, áıtpese zorlyq jasaýy múmkin ekendigin taǵy da eskertken. Bul joly er adam tanysymen daýlasa ketedi. Aqyry áıeliniń syrtqa temeki shegýge ketken sátin paıdalanyp, marqumnyń júrek tusyna pyshaq suǵyp alady. Marqum sol jerde qaıtys bolǵan. Qarǵaly aýdany, Badamsha aýylynyń turǵyny qazir sotta jaýap berýde. Qylmysy dáleldense, ol 8 jyldan 15 jylǵa deıingi merzimge sottalýy múmkin