Almatyda ana 4 kúnnen beri jalǵyz ulyn tappaı júr. 22 jastaǵy Hanapıa Qosylbekov 16 qazan kúni joǵalyp ketken. Ol sol kúni tústen keıin CANON fotoaparatyn alyp, shyǵyp ketken.

Bul týraly Qamshy.kz QazAqparatqa silteme jasap habarlaıdy.

«Ol meniń jalǵyz ulym. Ekeýimiz ǵana ómir súremiz. Maǵan kómektesińizdershi, men ulymdy 16 qazannan beri kórgen joqpyn. Qaıda ekenin bilmeımin. Onyń búıregi aýyratyn edi, kózi nashar kóredi (-5). Ol qymbat fotoaparatty ala ketken edi, sonyń kesirinen oǵan birdeme boldy ma dep qaýiptenem. Biz polısıaǵa aryz jazdyq. Alaıda olar áli kúnge deıin eshtemeni teksergen joq», - deıdi botadaı bozdap anasy Gúlbaný Qosylbekova.

Áıel adam qandaı da bir aqparaty bar adam 87012630409 nemese 87078095928 nómirlerine habarlasýyn suraıdy.