Tanymal ánshi Abaı Begeı basynan ótken qaıǵyly jaǵdaıdy tyńdarmandarmen bólisip, ekinshi ret úılenýge daıyn emes ekenin aıtty.

Ánshi bul týraly "Qazaqstan" arnasynyń "Aıtýǵa ońaı" baǵdarlamasynda bólisti.

"Aıtýǵa ońaı" baǵdarlamasynyń kezekti sany "Ana ornyna ana bolǵandar" dep ataldy. Budan eki jyl buryn qaıtys bolǵan jaryna arnap Abaı Begeı "Jánnatym" dep atalatyn ánin oryndap berdi. Bul ándi estigen stýdıa qonaqtary tegis kózderine jas alyp, onyń qaıǵysyna ortaqtas boldy.

Abaı Begeı 19 jasta bolǵanda 17-jasar jaryn úıge kelin qyp túsirgen. Búginde jubaılardyń 4 balasy bar, olardyń úlkeni 20 jasta.

"Jalǵyzdyq qudaıǵa ǵana jarasady", ekinshi ret úılenýge qatysty pikiriń qandaı?",- degen júrgizýshiniń suraǵyna Abaı Begeı oǵan daıyn emestigin aıtty. Onyń aıtýynsha, áıeli ómirden qaıtqan soń, ánshi úsh aı boıy óz ózine kele almapty. Sondyqtan, qazir ol anasynyń joǵyn bildirmeı balalaryna bas-kóz bolǵysy keletinin jetkizdi.