Kaspıı teńiziniń aıdynyndaǵy brakonerlik is-qımyldy aýyzdyqtap, onyń baılyǵyn saqtaýǵa arnalǵan arnaıy birikken jedel-saýyqtyrý is-shara jalǵasý ústinde. Bul týraly QR UQK SHQ baspasóz qyzmeti habarlady. Ótken táýlik ishinde «Jaǵalaý kúzeti» men «Batys» óńirlik basqarmalarynyń shekarashylary Qazaqstan men Reseıdiń birqatar azamatyn ustady. Nátıjesinde baǵaly balyqtar men aýlaý quraldary tárkilendi. Atap aıtqanda, «Jaǵalaý kúzeti» óńirlik basqarmasynyń shekarashylary Qazaqstan azamatyn ustady. Odan 36 dana bekire tuqymdas balyq, sondaı-aq 3 júzý quraly – 2 «kazanka» men 1 rezına qaıyǵy, sondaı-aq 11000 metr tor, 1000 qarmaq, 300 metr qural-jabdyqtar tárkilendi. Osy kúni «Batys» óńirlik basqarmasynyń shekarashylary Reseı Federasıasynyń azamatyn ustady, odan 423 dana sazan tárkilendi.