QR Memlekettik hatshysy Gúlshara Ábdiqalyqovanyń tóraǵalyǵymen Ádebıet pen óner salasyndaǵy Qazaqstan Respýblıkasy memlekettik syılyǵyn berý jónindegi komısıanyń qorytyndy otyrysy ótti dep habarlaıdy qamshy.kz qazaquni.kz saıtyna silteme jasap.

Otandyq shyǵarmashyl zıaly qaýym ókilderinen qurylǵan komısıa músheleri Mádenıet jáne sport mınıstri A.Muhamedıulynyń iriktelip alynǵan shyǵarmalardyń úsh aı merzim ishindegi talqylaný barysy jónindegi aqparatyn tyńdap, erkin pikir almasty.

Elbasy qaraýyna usynylatyn 2016 jylǵy Ádebıet pen óner salasyndaǵy Qazaqstan Respýblıkasy memlekettik syılyǵy laýreattyǵyna úmitkerlerdi komısıa jasyryn daýys berý arqyly anyqtady. Memlekettik syılyq laýreattaryn marapattaý rásimi dástúr boıynsha Táýelsizdik kúni qarsańynda ótedi.

Ádebıet pen óner salasyndaǵy memlekettik syılyq ádebıet pen óner qaıratkerleriniń qoǵam men memleket aldyndaǵy eńbegin joǵary baǵalaý bolyp sanalady. Bul syılyq Qazaqstan Respýblıkasy azamattaryna otandyq mádenıetti damytýǵa qosylǵan qomaqty úles retinde tanylǵan asa úzdik shyǵarmalar úshin beriledi.

Ázirge bizge belgilisi bıylǵy Memlekettik syılyqty ádebıetten  belgili jazýshy Beksultan Nurjekeulyna berildi.  

Kınodan  “Qunanbaı” kórkem fılmimen Dosqan Joljaqsynov, Aıdos Bektemirov t.b. avtorlar toby aldy. “Sonymen birge “Qazaq eli” monýmenttik eskertkish avtorlary da memlekettik syılyqqa ıe boldy.

Quttyqtaımyz!