Búgin, 21 qazan, Ýnıversıadanyń bastalýyna 100 kún qalýyna oraı, aldaǵy halyqaralyq stýdentter oıyndaryna bıleter satylymǵa shyqty. Bıletterdi eń birinshi satyp alýshylardyń biri Almaty qalasynyń ákimi Baýyrjan Baıbek boldy. Ol Oıyndar bıletin B.Sholaq atyndaǵy mádenıet jáne sport saraıynan satyp aldy.  

Búginnen bastap, almatylyqtar Ýnıversıada bıletin B.Sholaq atyndaǵy mádenıet jáne sport saraıynyń, Memlekettik sırktiń jáne de Meloman jelisiniń kasalarynan satyp ala alady. Sondaı-aq, jaqyn ýaqytta bıletterdi satý úshin Qazaqstannyń ózge de jetekshi bılet operatorlary iske kirisedi. Bıletterdi satýmen aınalysatyn resmı veb-portaldar: www.almaty2017.com, www.fisuticket.com ı www.kassir.kz.

2017 jylǵy Ýnıversıadanyń resmı bılet operatory bolyp KASSIR.KZ tanyldy.

Búgingi tańda kelesi dısıplınalar boıynsha bıleter satylymǵa tústi: taýshańǵy, bıatlon, shańǵy saıysy, shańǵy qossaıysy, snoýbord, frıstaıl, kerlıng, short-trek, hokeı (áıelder), hokeı (erler), tramplınnen sekirý, kónkımen júgirý sporty. Jarys kestesimen Oıyndardyń resmı saıty  www.almaty2017.com arqyly tanysa alasyz.

Aıta ketý kerek, saıystardaǵy bıletterdiń baǵasy 300 teńgeden, 3500 teńgege deıin. Al,  Ýnıversıadanyń ashylý jáne jabylý saltanattary 3000 jáne 15000 teńge aralyǵynda.

Bıletterdiń baǵasyn bekitý kezinde Ýnıversıada dıreksııasy tarapynan iri halyqaralyq jarystardaǵy bıletterdiń baǵalaryna analız jasalyp, sonyń negizinde bir toqtamǵa kelgen. Sarapshylar, Astana men Almatyda ótken qysqy Azıa oıyndary, Qazandaǵy Ýnıversıada, Sochıdegi qysqy Olımpıada oıyny, mánerlep syrǵanaýdan álem chempıonattary, tramplınnen sekirýden álem kýbogy jáne Qazaqstan aýmaǵynda ótken profıldi jarystardaǵy baǵa saıasatyna sholý jasaǵan. Sondaı-aq, jaqynda ǵana aıaqtalǵan  Rıo-de-Janeıro Olımpıadasynyń tájirıbesine súıengen. Onyń negizinde bıleter halyqqa qoljetimdi bolyp, jarysqa ketken shyǵynnyń jartysyn aqtaýy tıis.

Bıletterden túsetin qarjy jospar boıynsha 200 mln. teńgege jýyq bolýy múmkin.