Mınıstr bul týraly Parlament depýtattary mınıstr Qasymovtan Qazaqstan Respýblıkasynyń İİM jemqorlyqpen kúresý úshin qandaı sharalar qoldanyp jatqany týraly suraǵyna bergen jaýabynda aıtqan.

Jol qozǵalysy qaýipsizdigine arnalǵan parlament otyrysy kezinde, senator Sergeı Ershov  jemqorlyq deńgeıi óte tómen Grýzıany mysalǵa keltirgen. Buǵan Qazaqstan Respýblıkasynyń ishki ister mınıstri Qalmuhanbet Qasymov:

«Biz Grýzıaǵa bardyq. Bir emes, birneshe ret bardyq. Komısıa retinde bardyq, barlyq qyzmetten. Olar ne istedi? Olar barlyq qyzmetkerlerdi jumystan shyǵaryp jiberdi. Jalaqyny eki ese kóbeıtti de, júıeni qaıta qurdy. Ótinish. Biz buǵan barýǵa daıynbyz», -dep jaýap berdi.

Oǵan qosa, mınıstr polısıa qyzmetkerlerin qajetti jaraqtarmen qamtamasyz etý kerektigin aıtyp ótti.

«Báriniń Germanıa, Amerıkadaǵydaı polısıa jasańdar deıtini túsinikti. Biz bul tájirıbeni de zerttedik. Menińshe, Germanıadaǵydaı jalaqy men kerekti quraldarmen jasaqtasaq, biz de osy nátıjege jeter edik», -deıdi ol.

Qasymovtyń pikirinshe, kúshtik qurylymdardaǵy jemqorlyqtyń basty sebebi polıseılerdiń áleýmettik máseleleri bolyp tabylady.