Májilis Tóraǵasy Nurlan Nyǵmatýlın Jenevada ótip jatqan Parlamentaralyq Odaqtyń 135-shi Assambleıasyna qatysty. Bul týraly «Qamshy» portaly Májilisi Apparatynyń Baspasóz qyzmetine silteme jasap habarlaıdy.
Ortaq pikir almasý barysynda Májilis Spıkeri:
- Osy jyly Qazaqstan táýelsizdiginiń 25 jyldyǵy toılanady. Qysqa merzimde bizdiń elimiz Tuńǵysh Prezıdentimiz Nursultan Ábishuly Nazarbaevtyń basshylyǵymen júrgizilgen saıası, áleýmettik-ekonomıkalyq reformalardyń arqasynda orasan tabystarǵa qol jetkizdi. Sonymen qatar, jalpyǵa birdeı saılaý quqyǵy kepildigi, genderlik teńdik jáne adam quqyǵyn qorǵaý salalarynda aıtarlyqtaı jumystar atqaryldy, - dedi.
Májilis Spıkeri atap ótkendeı, Qazaqstanda adam quqyǵyn qorǵaý baǵytynda qarqyndy damý jolyna túsken ulttyq júıe qalyptasqan. Onyń mańyzdy elementteriniń biri – QR Prezıdenti janyndaǵy adam quqyǵy jónindegi komısıa.
Nurlan Nyǵmatýlınniń aıtýynsha sońǵy jyldary Qazaqstanda ulttyq zańnamany jetildirý jolynda birqatar mańyzdy reformalar qolǵa alyndy, ol bizdiń elimizdiń demokratıa úrdisteri men adam quqyn qamtamasyz etýge degen shynaıy beıimdiligin kórsetedi.
Parlamentaralyq Odaq 1889 jyly qurylǵan. Ol álem parlamentshileriniń is-áreketin úılestirý qyzmetine arnalǵan halyqaralyq uıym. Parlamentaralyq odaq BUU-da baıqaýshy mártebesine ıe.
Qazaqstan uıymǵa 1993 jyly 4 naýryzda múshe boldy. Qazaqstan Parlamentinde PAO ulttyq top retinde Májilis Tóraǵasy basqaratyn Qazaqstan Respýblıkasy Parlamentiniń delegasıasy qurylǵan.
