Qazaqstanda 39 myń adam zeınetaqy jınaqtaryn merziminen buryn esep-shottarynan ala alady. Sebebi olar aqshany erikti túrde salyp otyr, dep habarlaıdy «Qamshy» portaly QazAqparatqa silteme jasap. «BJZQ» AQ aımaqtyq jelini damytý departamentiniń dırektory Natalá Pavloskaıanyń aıtýynsha,  osyndaı sanattaǵy azamattar 50 jasqa kelgende zeınetaqy salymdaryn merziminen buryn ala alady.

Degenmen, Pavloskaıa «qazirgi zeınetaqy júıesiniń negizgi maqsat-mindetin umytpaý kerek: el azamattary zeınetaqyǵa shyqqannan keıin qarjy jaǵynan qıynshylyq kórmeýi tıis. Eger zeınetaqy salymdaryn merziminen buryn alý múmkindigi barlyq adamdarǵa beriletin bolsa, olardyń bolashaǵy ne bolady? Osyny oılaý qajet», - dep eskertedi.

Onyń aıtýynsha, I jáne II toptaǵy múgedekter de zeınetaqy salymdaryn merziminen buryn ala alady. Budan bólek, zeınetaqy anýıtetin alǵan 50 jastaǵy áıelder men 55 jastaǵy er adamdarǵa ol aqshany paıdalanýǵa ruqsat bar.

Qazir Biryńǵaı jınaqtaýshy zeınetaqy qorynda salymdardy merziminen buryn paıdalaný máselesi qaralyp jatyr. Ol aqshaǵa emdelýge, nesıeni jabýǵa jáne taǵy basqa shyǵyndarǵa jumsaýǵa bolady degen usynys bar. Alaıda sarapshylardyń sózine qaraǵanda, zeınetaqy jınaqtaryn birden jumsap tastasa, el azamattary zeınetaqysyz qalýy ábden múmkin.

BJZQ-ynda 10,1 mln. zeınetaqy salymdary bar. Sonyń basym bóligi - 9,6 mln.-y mindetti zeınetaqy salymdarynyń úlesinde. Qazirgi kezde qazaqstandyqtar salǵan jınaqtardyń jalpy sommasy 6,2 trıllıon teńgeni qurap otyr.

Eske salatyn bolsaq, sáýir aıynda Zeınetaqy qoryndaǵy aqshanyń jumsalyp ketkeni týraly aqparat taralǵan bolatyn, buǵan baılanysty QR Ulttyq banki tóraǵasynyń orynbasary Oleg Smolákov,: málimetke saı, úsh jaqty kelisimshatqa otyrǵan 6 bank zeınetaqy qorynan 30 mlrd teńge aldy. Baǵdarlamanyń iske asýyn Damý qory baqylaıdy. Elimizde jumys isteıtin 35 komersıalyq banktiń 30-y baǵdarlama talaptaryna saı kelip tur. Qalǵan beseýi qatyspaıdy», - dep málimdegen edi.