Búgin Úkimet otyrysynda Atyraý oblysynan onlaın túrde qosylǵan ákim Nurlan Noǵaev Úkimet basshysynan Atyraý óńirindegi 89 eski munaı uńǵymasynan maı aǵyp, ekologıany búldirip jatqanyn aıtyp kómek surady, dep habarlaıdy Qamshy.kz Baq.kz saıtyna silteme jasap.

«Energetıka mınıstrliginde buryn ıgerilgen eski munaı ken oryndaryndaǵy 89 uńǵyma tirkelgen. Olar apatty jaǵdaıda, keı jerlerde sol uǵymalardan maı aǵyp, jerdi, sýdy búldirip, ekologıalyq zardap ákelip jatyr. Sondaı-aq Atyraý oblysynda 180 gıdrogeologıalyq uńǵyma tirkelgen. Olardan da sý atqylap, qazirgi tańda baqylaýsyz jatyr. Sizdiń atyńyzǵa men osy aqparattardy jazyp, qoldaýyńyzdy suraǵan edim. Tıisti memlekettik organdarǵa tapsyrma berýińizdi suraımyn. Bul óte qaýipti jaǵdaı, qazir shara qoldanbasaq, sońynan kesh bolýy múmkin», – dedi Nurlan Noǵaev.

Al Baqytjan Ábdiruly bul másele oryndy ekenin aıtyp, nazarda ustaıynyn jetkizdi.

«Kóterilip otyrǵan másele óte oryndy. Energetıka mınıstrliginen Investısıalar jáne damý mınıstrligimen birlesip, osy máseleni qarastyrýdy suraımyn», – dedi Baqytjan Saǵyntaev.