Bul týraly «Qamshy» portaly mınıstrliktiń baspasóz qyzmetine silteme jasap habarlaıdy.

2016 jylǵy 20 qazanda Halyqaralyq epızootıalyq búronyń resmı notıfıkasıasy boıynsha Reseı Federasıasy Vladımır oblysynyń Vyshmanovo aýyly aýmaǵynda aýsyl aýrýy (Foot and mouth disease) tirkelgen.

Vladımır oblysy 2016 jyly HEB-men aýsyl aýrýynan vaksınasıasyz erikti aımaq quramyna jatatyndyǵyn resmı túrde ıelengen.

HEB-nyń Jer beti janýarlar sanıtarlyq kodeksiniń 8.8.2 babyna sáıkes aýsyl aýrýyna qarsy vaksınasıa (egý) júrgizilmeıtin, aýsyl aýrýynan bos aımaqtyń talaptarynyń birine belgilengen aımaqta aýsyl aýrýynyń sońǵy 12 aı ishinde tirkelmegendigi bolyp tabylady.

Joǵarydaǵyny eskere otyryp, Qazaqstan Respýblıkasy Aýyl sharýashylyǵy mınıstrliginiń Veterınarıalyq baqylaý jáne qadaǵalaý komıteti 2016 jylǵy 25 qazannan bastap Reseı Federasıasynan Qazaqstan Respýblıkasyna tómendegi taýarlar kirgizýine ýaqytsha shekteýler engizedi:

aýsylǵa beıim janýarlardy;

sıyr etin;

shoshqa etin;

qoı etin;

sút jáne sút ónimderin;

jylýlyq óndeýden ótken daıyn ónimder;

aýsylǵa beıim janýarlardy soıýdan alynǵan taǵamǵa qoldanylmaıtyn shıkizattar men buıymdaryn;

aýsylǵa beıim maldardy ustaýǵa, soıýǵa jáne óńdeýge qoldanylǵan jabdyqtaryn;

janýarlarǵa arnalǵan azyqtar men azyqtyq qospalar.