Jýyrda halyqtyq komýnıserden saılanǵan Aıqyn Qońyrov bastaǵan depýtattar jaı jatpaı Ulttyq banktyń tóraǵasy Danıar Aqyshevke saýal joldap, Úkimettiń 2015 jyldyń sáýir aıynda halyqtyń ıpotekalyq qaryzdaryn qaıta esepteý úshin arnaıy baǵdarlamamen bólgen 130 mlrd. teńgesiniń taǵdyry ne bolǵanyn surady.

Osy 130 mlrd. teńgemen 2004 jyldyń 1 qańtarynan 2009 jyldyń 31 jeltoqsanyna deıin ıpotekalyq borysh alǵandardyń qaryzy qaıta eseptelinedi eken. Komýnıser nege osy qysqa merzim ǵana qamtylǵanyn suraıdy. Boryshkerlerdiń qabyrǵasy sógilip, teńgeniń naǵyz qunsyzdanǵan shaǵy 2014 jyldyń aqpany edi ǵoı, osy kezeńdegi boryshkerlerdiń qaryzy nege qamtylmaǵan, deıdi depýtattar.  Sonymen qatar olar baǵdarlamany oryndaıtyn bankterdiń qaısy 130 mlrd-tyń qanshasyn alǵanyn bilgisi kelipti jáne olardyń tizimin berýdi talap etken. Bul árıne, «barmaq basty, kóz qystymen» tek alpaýyttardyń bankteri ǵana asap qaldy ma degendi bilgileri kelgeni ǵoı...

Depýtattar saýalynyń eń salmaqty jeri mynadaı: baǵdarlamamen kelgen qarajatty maqsatsyz shyǵyndarǵa qaı bank jumsap jibergenin kórsetińiz. Olarǵa qandaı sharalar qoldanyldy? Sonymen qatar baǵdarlama búginge deıin qansha boryshkerdi qamtydy? Boryshkerler tarapynan baǵdarlamaǵa qatysqan ekinshi deńgeıdegi bankterdiń qanshasynyń ústinen qansha aryz-shaǵymdar tústi?

Bul saýaldarǵa jaýap berý qıyn emes, biraq kókeleri men jákeleriniń bankterin «búldirip jatyr» dep kórsetýge Aqyshevtyń aıbyny jeter me eken?

E.Serikbaev, sarapshy