Aqtaý turǵyndary áleýmettik jeliler men messendjerlerde tórt jasar qyzdyń zorlanǵany týraly aýdıojazbamen belsendi bólisip jatyr, dep habarlaıdy Qamshy.kz QazAqparat saıtyna silteme jasap.
Aýdıojazbada Mańǵystaý oblysy, Baıandy aýylynda zorlanǵan tórt jasar qyzdyń oblystyq balalar aýrýhanasynda qaıtys bolǵany baıandalady.
Sonymen birge, Aqtaý qalasynda 10 jasar balanyń joǵalyp ketkeni týraly aqparat ta jelilerge tez tarady. Polısıa qyzmetkerleri qańqý sózderge qatysty pikir bildirip, qalalyqtardy rastalmaǵan aqparat kózderine senbeýge shaqyrdy. Aýdıojazbadaǵy qyz zorlanǵan bala týraly aqparatty tanys meıirbıkeden estigenin aıtady.
«Túngi aýysymnan kelgen meıirbıke Baıandy aýylynda tórt jasar qyzdyń zorlanǵanyn aıtty. Búldirshin jan saqtaý bóliminde kóz jumdy», - deıdi aýdıohabarlamadaǵy qyz.
Mańǵystaý İİD baspasóz qyzmetiniń málimetine súıensek, shyn máninde 2012 jyly týǵan Baıandy aýylynyń turǵyny oblystyq balalar aýrýhanasyna túsken.
