Sheneýnikter alatyn ortasha jalaqy mólsherine Jandos Baıyrhanov qazaq estrada juldyzdarymen Eýropada demalyp qaıtty dep habarlaıdy www.ratel.kz. "Qamshy" portaly óz kezeginde bul materıaldy qazaqshaǵa aýdaryp, qoǵamdyq talqyǵa salýdy jón kórdi.
Bárine kýáger – áleýmettik jeli
Aqtóbe qalasy ákiminiń birinshi orynbasary qyzmetine Jandos Baıyrhanovtyń taǵaıyndalǵanyna qarashada bir jyl bolady. Oǵan deıin Jandos myrza qalanyń áleýmettik jáne mádenı damýyna jaýap bergen edi. Batys Qazaqstan oblysyna shyǵystan, naqtyraq aıtsaq, Óskemennen qonys aýdarǵan.
Sheneýnikterdiń demalǵanyna qarsy emespiz. Jumystary aýyr bolǵandyqtan demalǵany durys, árıne. 2016 jyldyń jazy qarbalasqa toly boldy. Joldar jóndelip, qalany kóriktenderý jumystary jasaldy. Aqtóbe oblysynyń ákimi İlıas Ispanovpen olar kóptegen tekseris jasap, reıdterge shyqty.
Sýǵa shomylý maýsymy biter shaqta birinshi orynbasar otbasyna qýanysh-mereke syılaýdy oılastyrady.
Áńgime – Italıa men Fransıaǵa sheger saıahat. Eliseı alańymen qydyryp, Eıfel munarynan qoldaǵy bar balmuzdaqpen aınalańa kóz tastaý jetkiliksiz boldy. Baǵyt Kann men Rımge alyndy.
Mynandaı ǵajaıyp saıahat jaıly sheneýniktiń tek jaqyndary bilgen bolýy kerek. Alaıda ákim orynbasarynyń sýretteri Instagram jelisinen biraq shyqty. Naqtylasaq, dostarynyń paraqshalarynan. Qazbalasaq, mıllıonnan astam oqyrmany bar qazaqstandyq tanymal "MýzART" tobynyń solısi Meırambek Bespaevtiń akkaýntinen. Bespaevtiń fotolaryn qyzyǵa qaraıtyn jurt Baıyrhanovty da tanyp qaldy. Foto astyna qaldyrylǵan pikirlerge qarasaq, tanyǵandar barshylyq.
Bárine kináli – Kann
Qyrsyq bir shalsa, shyń shalady degendeı Jandos Baıyrhanov demalystan qaıtyp kelgennen soń jergilikti bir gazet sheneýnikter alatyn jalaqy mólsherin anyqtap, jalpyǵa jarıa etti. Jýrnalıster oblys ákimine resmı hat joldapty. Birneshe kúnnen keıin Aqtóbe óńiri basshysynyń apparat jetekshisi qol qoıǵan jaýap-hat keledi. Hatta Berdibek Saparbaevtan bastap sheni tómenge deıingilerdiń alatyn aqshasy ashyq kórsetiledi. Kannǵa baryp demalýdy jany súıetin Jandos Baıyrhanovtyń ta aılyǵy atalmysh tizim tur. 194 000 teńge. Bul jalaqy elimizdegi ortasha aılyq mólsherinen kóbirek bolsa da shetelde arqany keńge salyp demalýǵa jetkiliksiz.
Bárine jaýap – únemshildik
ratel.kz saıty aınalshaqtamaı sheneýnikke tikeleı qońyraý shalyp, mundaı aılyqpen Qazaqstannyń shoý-bıznes juldyzdarymen Eýropaǵa otbasy bolyp qalaı baryp kelýge bolatyndyǵy jaıly surady.
Dıalog biraq kóńilden shyqpady. Jalpy eki tarap arasyndaǵy áńgime jarasym tappady.
– Qaıyrly kún! Jumysyńyzǵa kedergi keltirip jatqan shyǵarmyn. Biraq qońyraý shalmasam bolmady. Shetelde ótken demalys fotolaryńyzdy kezdeısoq ınstagramnan kórip qaldym. Sheneýniktiń shoý-bıznes juldyzdarymen dos bolǵany qyzyq eken.
– Bilmedim. Kimdi aıtyp tursyz?
– «MýzARTtaǵy» Meırambek she?
– Óz basyńyzǵa bul málimet ne úshin qajet?
– Siz halyq aldynda júrgen sheneýniksiz...
– Bul meniń jeke ómirim.
– Sizdiń jeke ómirińizge aralasamyn degen oı joq mende. Jaqynda aqtóbelik bir bedeldi gazet ákimıat qyzmetkerliriniń jalaqysyn jarıa etken materıal shyǵardy. Siz alatyn aılyqpen Kannǵa jetý múmkin emes. Aqshany qalaı únemdesek, qalaı jınasaq bolady dep keńes suramaqshy edim. Barlyǵymyz da Eýropa kórsek deımiz.
– Ony aıta almaımyn. Týragenttigim molsa bir meıli. Ókinishke oraı, atalmysh másele boıynsha keńesshi bola almaımyn.
– Shetelge baryp kelý úshin mundaı aılyqpen de qor jınaýǵa bolady ǵoı?
– Aıta almaımyn. Munyń jumysqa baılanysy joq.
– Shoý-bıznes ókilderimen kópten beri dossyz ba?
– Bala kezden. Biraq naqty kim jaıly aıtyp jatqanyńyzdy bilmedim.
– «MýzART» toby jaıynda aıtyp otyrmyn.
– Ol jerde (fotoda-red.) men emes te shyǵarmyn...
– Ol sizsiz. Otbasymen túsken fotoda sizdi belgilep qoıypty.
– Aıta almadym.
***
Jaǵdaı osyndaı, Eshteńe bilmeımin, eshnárse aıtpaımyn. Materıal shyqqannan soń sheneýnik Meırambek dosyna óz Instagram-ǵy men bar fotolardy óshirip tastashy dep aıta ma eken álde balalyq shaq dostyǵyn qımaı qala ma eken?
