Búgingi Almaty qalasynda ótken «Mádenıet boıynsha zańnamalarǵa ózgerister engizý týraly» jıynda qazirgi teatrlardyń jaǵdaıy talqyǵa salyndy. Onda elimizdegi keıbir teatrlar men kitaphanalardyń memleket ruqsatynsyz jabylyp jatqany talqyǵa salyndy. Jáne budan keıin teatr oryndary ashylsa jáne jabylýy tıis jaǵdaı bolsa mádenıet mınıstrliginen ruqsat alsa degen usynys aıtyldy.  Sonymen qosa BAQ ókilderi men halyqtyń suraýy boıynsha, kınodaǵy beıádep sózderge tyıym salý týraly zańda talqyǵa salyndy. Osy oraıda QR eńbek sińirgen teatr ártisi Asanáli Áshimovke sóz kezegi berilip, abyz ártisimiz bylaı dep ázil-shyny aralas pikir bildirdi:  

 Oljas ekeýmiz seksen jyl boıy zańsyz jumys istep kele jatyr ekenbiz. Sonda da óner úshin eńbek etip, shyǵarmashylyqpen aınalystyq. Al qazir zań basqa, bizge naqty zań kerek.  Keı jaǵdaıda ǵana ózgerister engizbesek. Al kınodan senzýraly sózderdi alý degen zań bar eken. Ondaǵy emosıany bildiretin kıno tilin qysqartý, búrkittiń tyrnaǵyn alýmen birdeı.    Jańa fılologtar tarpynan aıtylǵan er adamnyń, áıel adamnyń jynys múshesine qatysty sózderdi alyp tastaý kerek degen pikirge qoldaý bildiremin.  Qazirgi jastar ómirdegi tósek pen ónerdegi shyǵarmashylyqty shatastyryp alyp jatady, ekran aldynda bes mınýt boıy  súıistirip qoıýdy doǵarý kerek. Ondaı kınolardy áıelińmen kórersiń jaraıdy, al bala-shaǵamen qalaı qaraımyz?! Sondyqtan osy jaǵyn zańdastyrǵan durys bolar.

 Joǵaryda aıtylǵan usynystarǵa qarsy shyǵýshylar bolmady, endi bul zańdar úkimette talqyǵa salynyp, bılik bir sheshim shyǵaratyn bolyp tarasty.