Erteń - qarashanyń birinshi kúni. Sebebin bilmedim, biraq sońǵy jyldary qarasha aıynda bılik Jańa jylǵa daıyndala bastaıdy. Ár qalanyń dúkenderine, janarmaı beketilerine, saýda ortalyqtaryna aýdandyq ákimdikterden «Qarashanyń aıaǵyna deıin shyrsha qoıyndar, Jańa jylǵa daıyndala berińder» degen buıryq keledi. Aýdandyq ákimdikterge árıne qalalyq akımattardan osyndaı buıryq beriledi, al, olarǵa - Astanadan, ishki saıasat bóliminen sondaı buıryq kelip jatady.

Menińshe, bıyl bundaı jaman ádetti toqtatý kerekpiz. Bıyl memleketimizdiń Táýelsizdigine 25 jyl tolady. Jeltoqsan oqıǵasyna 30 jyl, Jańaózen men Shetpe oqıǵasyna 5 jyl tolady. Qaıdaǵy shyrsha qarashada? Meıli, Jańa jyl bolmasyn demeımiz, bolsyn. Biraq aldymen osy kúnderdi durystap ótkizeıik. Sosyn baryp jańa jylǵa 10 kún qalǵanda daıyndalyp ta úlgerermiz.

Prezıdent ákimshiligine, Úkimetke, Qazaqstannyń barlyq ákimdikterine osyndaı usynysym bar. Oılanyńyzdar!

Muhtar Taıjannyń Feısbýktegi paraqshasynan alyndy