Qamshy.kz ótken kúnniń birqatar oqıǵalaryna sholý jasaıdy.
QazAqparattyń jazýynsha, Balqashtyq lańkester 11 keli jarylǵysh zat daıyndaǵan. Qaraǵandy oblysynda lańkesterdi daıyndaý týraly qylmystyq iste fıgýranttardyń biri tergeýge járdemdesipti. Bul týraly Advokat Ǵalym Nurpeıisov:
«Meniń qorǵaýymdaǵy Erlan Úsenov qatysýshy ekenin moıyndady. Basynan bastap ol usynysqa kúdikpen qaraǵan. Ustalǵan sátten bastap tergeýmen yntymaqtasa jumys istep, járdemdesti. Sondyqtan tergeý ýaqytynda prosesýaldyq kelisimge keldik», - dep málimdegen.
Onyń aıtýynsha, Qorǵaýshysy qupıa orynda saqtalǵan barlyq jarylǵysh zattardy kórsetip, aıǵaqty dálelder bergen. Advokattyń aıtýynsha, jasyryn orynda 11 keli jarylǵysh zat bolǵan. «Bul qylmystyq istiń materıaldary, áli de zerdelendi», - degen Advokat, lańkestik topty qurýǵa ne ıtermelegenin anyqtaý qajet ekenin aıtty. «Biz bul jaǵdaıǵa ne túrtki bolǵanyn anyqtaıtynymyzǵa senemin. Mundaı oqıǵa Aqtóbede de, Almatyda da oryn aldy. Eń bastysy, bolǵan oqıǵaǵa ne sebep bolǵanyn anyqtaý», - dep atap ótken Nurpeıisov.
***
Al, Almatyda Tımırázev pen Markov kósheleriniń qıylysynda ornalasqan "Alataý Grand" bıznes ortalyǵynyń mańynda atys boldy, - dep habarlady Tengrinews.kz. Atys bolǵan bıznes ortalyqtyń ishinde "Sberbank" pen VTB bankteriniń bólimsheleri ornalasqan.
Kýágerlerdiń aıtýynsha, atys túski ýaqytta bolǵan. Bank bólimshesiniń kúzetshisi bıznes ortalyqtyń aldynda atys bolǵanyn habarlaǵan. Kúzetshiniń aıtýynsha, atystan bank klıenti zardap shekti.
Eske sala ketsek, 25 qazanda Almatyda "SentrKredıt Banktiń" Mánshúk Mámetova kóshesindegi bólimshesinde belgisiz adamdar kúzetshini soqqyǵa jyǵyp, travmıtıkalyq qarýyn tartyp alyp ketken edi. Shabýyldan kúzetshi jeńil jaralanǵan. Polısıa ol oqıǵa boıynsha da "qaraqshylyq shabýyl" babymen is qozǵaǵanymen ázirge qylmyskerlerdiń ustalǵany týraly habarlanbady.
***
Tengrinews.kz-tiń taǵy bir habaryna saı, Tarazda ofıser áskerı bólimdegi baqylaý kamerasy aldynda ózine qol salǵan. Tarazda áskerı bólim qoımasynda ózine qol salǵan 46 jastaǵy praporshık bolǵan. "№ 5513 áskerı bóliminiń qarý qoımasynyń aýmaǵynda 27.05.1970 jyly týǵan praporshık Rapıshev Úsen Tursynqululy ózin júrek tusynan jaralady. Alǵan jaraqattan oqıǵa ornynda kóz jumdy", - delingen QR Ulttyq ulany "Ońtústik" óńirlik qolbasshylyǵynyń habarynda.
Aqparat boıynsha, biraz ýaqyt buryn artynda tórt balasy qalǵan Rapıshev jumystan shyǵarylǵan. Sonymen qatar, 46 jastaǵy Rapıshevtiń sol kúni kezekshi bolǵany jáne ózine baqylaý kameralary aldynda qol salǵany belgili boldy.
***
«Qamshy» tilshisi oqyrmandarǵa «qorǵanysymyz qandaı kúıde?» degen suraq tastaıdy. Almatyda Kúlekbaev isinen keıin qorǵanystyń «sary deńgeıi» jarıalanyp, qaýipsizdik sharalary barynsha qola alynǵan bolatyn. Soǵan qaramastan bir aptanyń ishinde eki birdeı atys boldy...
Al, Salafızmge zańmen tıym sala almaı jatqan myna kúnimizde, lańkester emin-erkin ondaǵan kılo jarylǵysh zat daıyndap jatqany neniń nyshany? Olar maqsatyna jetip, bombasyn jara qalsa ne bolar edi? El qorǵaıtyn erlerimizdi aıdyń-kúnniń amanynda ózine qol salýǵa ne ıtermeleıdi? Al, besikten beli shyqpaı, balıǵat jasyna tolmaı balaǵy qysqaryp, mıy shaıylyp jatqan qanshama jastarymyz bar? Rýhymyz ne kúıde?
Qorǵanys demekshi, Aqordanyń baspasóz qyzmeti keshe Prezıdenttiń Qorǵanys mınıstriniń eki orynbasaryn qyzmetinen bosatqanyn habarlady. Memleket basshysynyń Ókimderimen Nurlan Ermekuly Saýranbaev Qazaqstan Respýblıkasy Qorǵanys mınıstriniń orynbasary qyzmetinen;
Berik Sholpanqululy Sholpanqulov Qazaqstan Respýblıkasy Qorǵanys mınıstriniń orynbasary qyzmetinen bosatylǵan.
