Atyraýda psıhıkalyq aýrýǵa shaldyqqan turǵyn dúkenshini baltalap tastady degen kúdikke ilindi, - dep habarlaıdy Tengrinews.kz. 

İs materıaldaryna qaraǵanda, bıyl 26 qazanynda Atyraý qalasynyń №2 sotynyń tergeý sýdıasy 1971 jyly týǵan azamatqa qatysty kúzetpen ustaý túrindegi bultarpaý sharasyna sanksıa bergen. Ol Atyraý qalasynyń M.Ótemisuly kóshesi boıyndaǵy "Amanjan" dúkeniniń dúkenshisi, Ózbekstan Respýblıkasynyń azamatshasyn dúken ishinde balta men pyshaq qoldaný arqyly óltirdi degen kúdikke ilingen.  

Kúdikti 2-top múgedegi ekeni anyqtalǵan, sondaı-aq tergeýshiniń aıtýynsha, kúdikti psıhıkalyq aýrýǵa shaldyqqan, muny anyqtaý úshin Psıho-nevrologıa ortalyǵyna málimet suratý haty da joldanǵan.

Sot psıhıkalyq dertke shaldyqqan azamattarǵa bultarpaý sharasy qoldanylmaıtynyn eskere otyryp, onyń aýrýy jóninde naqty málimet belgi bolǵanǵa deıin kúzetpen ustaý túrindegi bultarpaý sharasyn qysqa merzimge belgiledi.
.