Aqjarqyn Turlybaıdan sot otyrysynyń sońynda sál suxbat alýdyń sáti tústi,- dep habarlaıdy 24.kz.
Esterińizge sala keteıik, Qytaıda esirtki tasymaldady dep aıyptalyp, ómir boıy bas bostandyǵynan aıyrylǵan Qazaqstan azamaty Aqjarqyn Turlybaıǵa qatysty birinshi satydaǵy sottyń jańa otyrysy otandasymyz ustalǵan Gýandýn provınsıasy, Gýanchjoý qalasynda ótti. Sot otyrysyna úsh sot, eki aıyptaýshy jáne A. Turlybaıdyń Qytaıdaǵy eki qorǵaýshysy men Qazaqstandaǵy advokaty Suńqar Nurmaǵambetov qatysty. Sonymen qatar QR konsýldyq bólimniń basshysy Bolat Syrlybaev ta bar. Sotta aýdarmashy bolǵanymen suraqtarǵa Aqjarqynnyń ózi qytaısha jaýap berdi. Buǵan deıingi otyrystardyń barlyǵyna qatysqan Aqjarqynnyń anasy bul joly kele almady.
