Kezdesý barysynda Qazaqstan men Japonıa arasyndaǵy qazirgi qarym-qatynastyń ahýaly jáne ony aldaǵy ýaqytta qarqyndy damytý perspektıvalary talqylandy, - dep habarlaıdy Qamshy.kz Aqorda saıtyna silteme jasap.
Nursultan Nazarbaev eki eldiń túrli saladaǵy ózara is-qımylyna, sonyń ishinde Japonıanyń Astanada ótetin Álemdik jáne dástúrli dinder kóshbasshylarynyń sezine turaqty túrde qatysyp kele jatqanyna toqtalyp, bul elmen halyqaralyq qaýipsizdikti qamtamasyz etý, atap aıtqanda, ıadrolyq qarýdy taratpaý jáne qarýsyzdaný salasynda senimdi seriktestik ornaǵanyn aıtty.
Qazaqstan Prezıdenti jahandyq qaqtyǵystardy retteýge jáne óńirdiń turaqty damýyna yqpal etýge Japonıanyń baǵa jetpes úles qosqanyn atap ótti. Budan bólek, Nursultan Nazarbaev 2017-2018 jyldary elimiz BUU-nyń Qaýipsizdik keńesiniń turaqty emes múshesi retinde jaýapty mısıa atqarý barysynda ıadrolyq qarýsyz álem qalyptastyrý, energetıka, azyq-túlik jáne sý qaýipsizdigi máselelerin sheshýge baǵyttalǵan sharalardy qolǵa alatynyn jetkizdi.
