Almaty qalasynda 5 qarashada İİM Esirtki bıznesine qarsy kúres departamentiniń bastyǵy ádilet general-maıory Sultan Qusetovtyń tóraǵalyǵymen «Kóknár-2016» jedel-profılaktıkalyq is-sharasynyn qorytyndylaý boıynsha jedel otyrys ótti, bul týraly «Qamshy» portaly Almaty İshki ister departamentiniń baspasóz qyzmeti habarlady.
Otyrys jumysyna İİM Esirtki bıznesine qarsy kúres departamenti basshylyǵy, ishki ister organdarynyń aýmaqtyq EBQKB basshylary sondaı-aq Reseı Federasıasy, Qyrǵyz Respýblıkasy – shetel memleketteriniń nashaqorlyqqa qarsy qurylymdarynyń ókilderi, AQSH Esirtkige qarsy kúres basqarmasy, QR AQSH Elshiligi janyndaǵy áskerı yntymaqtastyq bólimi, BUU Esirtki jáne qylmys jónindegi basqarmasy, Ortaazıalyq óńirlik aqparattyq úılestirý ortalyǵy qatysty.
Otyrysqa qatysýshylar aldynda, Sultan Qusetov esirtkiniń zańsyz aınalymy elimizdiń ulttyq jáne ekonomıkalyq qaýipsizdiginiń negizin joıyp jatqan ózekti problema ekenin atap aıtty.
Elimizdiń aýmaǵyna sondaı-aq syrt jerlerge esirtki jınaý, qaıta óńdeý jáne taratýǵa múddeli qylmystyq toptardyń nazaryn aýdaratyn esirtki tuqymdas ósimdikterdiń iri kózi bolyp tabylatyn Qazaqstan aýmaǵynda Shý alqaby bar.
Bizdiń elimizdiń osy ereksheligi jabaıy ósetin qarasora daıyndaýdyń jolyn kesýde, sondaı-aq Shý alqabynan esirtki shyǵarý baǵyttaryna kedergi qoıýda ishki ister organdarynyń mindetin aıqyndap berdi.
Arnaıy operasıa qorytyndysyn shyǵarýda İİM esirtkige qarsy qyzmetterdiń basshysy esirtki tuqymdas ósimdikterdi daıyndaý jáne trafık faktileriniń jolyn kesý, sondaı-aq «aýǵan» esirtkileri trafıgi arnalaryn joıý, uıymdasqan qylmystyq esirtki toptarynyń áreketteriniń jolyn kesý boıynsha esirkilik polısıa alǵa qoıylǵan barlyq mindetterdi iske asyrǵanyn atap aıtty.
«Kóknár-2016» JPİ-ge qatysýǵa Jambyl oblysy İİD qaramaǵyna TDAO, «Arlan» arnaıy bólinisteri jáne «Búrkit» Ulttyq ulanynyń qosymsha kúshteri jáne quraldary tartyldy. Operasıaǵa turaqty túrde ishki ister organdarynyń 2300-den astam qyzmetkerleri tartyldy.
Qumdaǵy barý qıyn jerlerde modýldyq kóshpeli qosyndar, sondaı-aq taýly jerlerde júre alatyn avto kólik quraldary jáne pılotsyz ushatyn apparattar qoldanyldy.
Bul Jambyl oblysynda júrgizilgen is-sharalardyń tıimdiligin arttyrýǵa jáne tutas alǵanda operasıany oryndaýǵa múmkindik berdi.
Barlyǵy 4 aıdyń ishinde «Kóknár-2016» operasıasynda 3 300-den asa esirtkilik quqyq buzýshylyq qylmysy tirkeldi. Onyń ishinde 1300 qylmystyń 681 faktisi satý, 60 fakti kontrabanda, 213 fakti quramynda esirtki bar ósimdik ósirý, asa iri kólemde saqtaýdyń 402 faktisi bar.
Zańsyz aınalymnan 33 tonna 510 kg túrli esirtki quraldary, onyń ishinde 52 kg geroın, 109,5 kg.gashısh, 32,5 tonna marıhýana tárkilendi.
«Kóknár-2016» JPO barysynda esirtki tuqymdas ósimdikterdi zańsyz ósirý plantasıalaryn anyqtaýǵa erekshe nazar aýdaryldy.
Osy maqsatta Esirtki bıznesine qarsy kúres departamenti Ulttyq ulannyń «Búrkit» arnaıy bólimshesimen birlesip, qarasora egilgen jerlerdi anyqtaý, zańsyz plantasıalardy uıymdastyrýshylar men esirtki daıyndaýshylardy ustaý boıynsha arnaıy operasıa ótkizdi.
Nátıjesinde Qyzylorda, Ońtústik Qazaqstan, Qaraǵandy jáne Aqtóbe oblystarynda esirtki tuqymdas ósimdikterdi zańsyz ósirýdiń 163 faktisi anyqtaldy. 21 gektardan astam alańdaǵy 135 plantasıa joıyldy.
Bul rette 90 myńnan astam esirtki tuqymdas ósimdikter nemese 74 tonna úndi qarasorasy joıyldy, quramyndaǵy esirtkilik belsendi zat jabaıy ósetin shý qarasorasynyń esirtkilik qasıetine 5 ese asyp túsedi.
Keń kólemdegi «Kóknár-2016» jedel-profılaktıkalyq operasıasy jyl saıyn maýsym men qazan aılary aralyǵynda esirtki tuqymdas jabaıy ósimdikterdiń pisken kezeńinde júrgiziledi.
Jedel-profılaktıkalyq is-sharasynyń negizgi mindetteri mynalar bolyp tabylady:
-SHý alqabynan kannabıstik toptaǵy esirtki daıyndaýmen, shyǵarýmen aınalysatyn adamdardy anyqtaý jáne ustaý, sondaı-aq «aýǵan» esirtki arnasynyń tranzıtin joıý;
- kannabıstik toptardaǵy esirtkiniń alǵashqy shyǵarylatyn jeri retindegi esirtki óndirisin joıý;
- qylmystyq jolmen qarjy kiristerin alý maqsatynda qylmyspen aınalysatyn uıymdasqan qylmystyq toptardyń ekonomıkalyq negizin jáne olardyń ınfraqurylymyn joıý.
- nashaqorlyq jáne esirtki qylmysy deńgeıin azaıtý.
