Almatyda túnde «Dostar» qonaq úıi órtendi, dep habarlaıdy QazAqparatqa silteme jasap «Qamshy» portaly.

Qalalyq TJD baspasóz qyzmetiniń habarlaýynsha, órt Túrksib aýdany, Bartold kóshesi 46-shy úıde túnde bolǵan. Órt týraly habar 8 qarashaǵa qaraǵan túni saǵat 02:14-te túsken. Habarlaýdan keıin órt sóndirýshiler 5 mınýttan soń oqıǵa ornyna jetken. «Oqıǵa ornynda qonaq úıdiń shatyry órtenip jatqany anyqtaldy. Órt ǵımarattyń  tómengi qabatyna ótý qaýpi bolǵandyqtan shatyr sóndirýshi uńǵylar paıdalanyldy. Qonaq úıdiń №12  bólmesi órtengeni anyqtaldy», - dedi órt sóndirý qyzmetinen. Órt saǵat 03:05-te aýyzdyqtalyp, 03:27-de tolyǵymen sóndirildi. Órt oshaǵynyń jalpy aýmaǵy 280 sharshy metr. 30 adam evakýasıalandy. Órtti aýyzdyqtaýǵa 70 adam, 22 tehnıka jumyldyryldy.

Eske sala ketetin bolsaq, Almatyda 2 kún buryn ǵana  saýda úıi órtenip, saldarynan 6 adam qaza tapqan edi.