Gıtlerdiń áıeli Eva Braýn kıgen jibekten tigilgen eski ishkıim Ulyrıtanıadaǵy aýksıonda 2900 fýntke satyldy dep habarlaıdy, "Qamshy" portaly BBC-diń orys qyzmetine silteme jasap. 

Aǵylshyn baspasóziniń dereginshe, bul kıimdi ekinshi dúnıejúzilik soǵystyń aıaǵynda Gıtlerdiń býnkerinen amerıkalyq jýynger taýyp alǵan.

Pantalon-túrsıde EB degen jazý toqylǵan, ol ótken ǵasyrdyń 40-shy jyldaryndaǵy eń sándi ishkıim bolǵan.

Alaıda sońǵy 70 jyldyń ishinde bul kıim birneshe ret satylyp, túrli adamdardyń qolynda bolǵan.

Philip Serrell saýda úıiniń baǵalaýshysy Sofı Djonstyń aıtýynsha, Eva Braýnnyń ishkıimi tozyńqyrap qalǵan, biraq áli de jaramdy kúıde.

Eva Braýn Adolf Gıtlermen 1929 jyldyń qazan aıynda tanysqan, ol kezde Eva 17 jasta, Gıtler 40 jasta bolǵan.