Shetel ınvestorynyń Qazaqstan azamatyn jumysqa alý týraly zańǵa baǵynbaı júrgen qytaılyq 8 kompanıa basshysy elden qýyldy, dep habarlaıdy «Qamshy» portaly Nur.kz-ke siltep.
Aımaqta qara altyn óndirýmen aınalysatyn «SNPS-Aqtóbemunaıgaz» aksıonerlik qoǵamy jyl basynda jalynyp júrip Qytaıdan maman aldyrtýǵa ruqsat alypty. Aspan asty elinen kelgenderdiń úsheýin departamentke dırektor, qalǵandaryn munaı men gaz óndiretin bólimderge jetekshi qylady.
Biraq shetelden qansha maman aldyrtsa Qazaqstannyń da sonsha azamatyn jumysqa alý týraly zańǵa ınvestorlar baǵynbaı júrgen.
Sondyqtan tekserýge kelgen prokýrorlar zańdy oryndamaǵan munaı kompanıasynyń laýazymdy qyzmetkerlerin elderine qaıtaryp jibergen.
"Bul azamattar Qazaqstan Respýblıkasynyń shekarasynan shyǵaryldy", - deıdi Aqtóbe oblystyq prokýratýrasynyń basqarma bastyǵy Muratbek Myrzamuratov.
