Almatyda ótken túnde taǵy bir órt boldy. Bul joly qalanyń tómengi aýdanynda ornalasqan «Dostar» qonaq úıin qyzyl jalyn sharpyǵan. Bólmelerdiń birinen tutanǵan ot tez arada shatyrǵa kóship, 280 sharshy metr aýmaqqa taralypty.
Bul týraly Ktk arnasy habarlaıdy.
Tez arada oqıǵa ornyna jetken órt sóndirýshiler birinshi kezekte qyzyl jalynnyń jaqyn ornalasqan nysandarǵa kóship ketpeýin oılaǵan. Sondyqtan aldymen shatyr men ǵımarattyń birinshi qabatyn sóndirýdi bastaǵan eken. Tilsiz jaýmen bir jarym saǵat boıy arpalysqan mamandar 30 adamdy qaýipsiz jerge shyǵardy. Qazir órttiń shyǵý sebebi anyqtalýda, aldyn ala boljam boıynsha apatqa symdardyń qysqa tuıyqtalýy sebep bolýy múmkin.
