Adamnyń rýhanı dúnıesine yqpal etetin jáıtter áýe kompanıalarynyń isinde kórinis tabýy tıis. Bul rette aldymen memlekettik tildi jetik biletin mamandar qajet. Sondaı-aq ushaq salondarynda qazaqtyń áýeni oınalyp tursa quba-qup. «Buny quqyqtyq aktilerge, zańǵa kirgizbesek te, talap etý paryzymyz», - deıdi májilis depýtaty Bekbolat Tileýhan. 

Bul týraly Astana arnasy habarlaıdy. 

Bekbolat Tileýhan QR Parlamenti Májilisiniń depýtaty, "Nur Otan" fraksıasynyń múshesi: Siz «Jaıdarmanmen», «Sáýlem-aımen» qarsy alǵan kezde, janyńyz jadyrap qoıa beresiz, úıge kelgendeı. Basqa adamdar kelgen kezde basqa memlekettiń ushaǵyna mingenin sezinetin bolýy kerek. Qazaqstannyń ushaǵynda ekenin sezdirý úshin, tiline sýyq tıgen sekildi emes, aıqyn qazaqsha sóıleıtin adamdardy jumysqa alý mindetti bolý kerek,-dep pikir bildirdi.