Májilis depýtaty Azat Perýashevtyń aıtýynsha, Ulttyq Qordyń úsh jylǵa arnalǵan boljamy boıynsha, Ulttyq Qordaǵy qarajat 9,5 mıllıar dollarǵa deıin qysqarady. Sonymen qatar, májilismen qordaǵy ınvestısıalyq tabystyń 712 mıllıard teńgeden 686 mıllıard teńgege deıin, ıaǵnı 16 paıyzǵa azaıýy múmkin ekenin aıtyp ótti. Bul týraly «Qamshy» portaly Tengirnews.kz-silteme jasap.

«Ulttyq Qorǵa qarajat tek teńgemen salynbaıdy, bul degenimiz qordaǵy aqshanyń áli de biraz azaıatynyn bildiredi. Memleket basshysy negizgi eki máseleni sheshý úshin Ulttyq qordy qurdy: daǵdarys kezinde ekonomıkalyq jaǵdaıdy turaqtandyrý men bolashaq urpaq úshin aqsha jınaý. Bastapqyda bul qordaǵy qarajat 2007-2009 jyldardaǵy daǵdarys kezinde jumsaldy. Biraq ýaqyt óte kele Ulttyq qordaǵy qarajat búdjetti toltyrý úshin qajetti kezde ala salatyn qarajat kózi boldy», - degen Perýashev óz sózinde.

Sondaı-aq, Azat Perýashev bylaı jalǵasa berse, Ulttyq Qordaǵy qarajattyń jetpeı qalýy múmkin ekenin aıtty.

«Ekonomıkamyzdy damytýdyń ornyna biz ózimizge emes, bolashaq urpaǵymyzǵa tıesili aqshany jep jatyrmyz. Biz ınvestısıalyq tabysty kóbeıtýdiń ornyna, qorda qalǵan aqshalardy jep jatyrmyz. Biraq bul jaǵdaı ári qaraı jalǵasa bermeýi kerek. Osy qalyppen júre bersek, kúnderdiń bir kúninde qordyń ózi bizge jetpeı qalýy múmkin», - dedi depýtat.