Myńdaǵan otbasy oqýshylarǵa beriletin úı tapsyrmasynyń shekten tys kóptigin aıtyp narazylyq bildirýde. Ispan balalary úı tapsyrmasyn oryndaýǵa aptasyna ortasha eseppen 6,5 saǵatyn jumsaıdy eken. Bul týraly Bı-bı-sı habarlaıdy.
Ata-analar alánsy quramyndaǵy 12 myń mekteptegi ata-analar komıtetterin narazylyq aksıasyn ótkizýge shaqyrǵan. Uıym ókilderi balalar úı tapsyrmasyn oryndaýdan góri ata-analarymen kóbirek ýaqyt ótkizýi kerek dep esepteıdi. Sondaı-aq aláns qyzmetkerleri Ispanıada balalardyń óte az demalatynyn, úı tapsyrmasynyń oqýshy úshin shekten tys artyq salmaq ekenin dáleldegisi keledi. Aksıany uıymdastyrýshylar ata-analardy bundaı aksıany qarasha aıynyń ár jeksenbisinde ótkizýdi usyndy.
Ispan balalarynyń úı tapsyrmasyna berilgen ýaqyty basqa memlektterge qaraǵanda kóp bolǵanymen jaratylystaný salasyndaǵy pánderden, mysaly matematıkadan tómen kórsetkishke ıe. Al álem boıynsha oqý úlgerimi Fınlándıa men Ońtústik Koreıa oqýshylarynda joǵary eken. Bul memleketterdegi oqýshylardyń bir aptada úı tapsyrmasyna jumsaıtyn ýaqyty úsh saǵattan aspaıdy eken.
